عايمة في بحر الكتب

كل أب وأم بيتمنوا لاولادهم امال كبيرة، وأكبر أمنية هي يكون حظهم ومستقبلهم احسن منهم. ويفضل الاب مربوط في ساقية عشان يحاول يخلي حياة ولاده أحسن واسهل واكتر رفاهية، ميشوفوش فيها التعب والشقا بنفس الدرجة اللي شافها، ودي غريزة طبيعية في مشاعر الاب ناحية أولاده. النهاردة هنتكلم عن حلم أب، وحلمه صبح حقيقة أكتر بكتير مما كان يتخيل.  العصر الذهبي "عصر هارون الرشيد"، درة العهد العباسي، ودرة الحضارة الاسلامية. "هارون الرشيد"عكس الصورة الجمعية المترسبة في العقول، كان من أقوي الخلفاء وأشدهم عزما وبأسا. وكانت الدولة الاسلامية في عهده مترامية الاطراف شرقا وغربا، ومن كتر اتساعها بص في مرة الي السحاب وهو ماشي، وقال جملته الشهيرة: "امطري حيث شئت فخراجك لي". وكان معروف ان "هارون الرشيد"، سنة يروح يحج وسنة يجاهد. وعلي جانب اخر كان "الرشيد" محب جدا للعلوم والفنون والاداب،  نشطت في عهده حركة الترجمة والتبادل الثقافي والعلمي بين الأجناس الإسلامية، زي العرب والفرس والسند والبربر والترك وغيرهم، وبين المسلمين وغير المسلمين، خصوصا اليونان والهنود والصينيون وغيره

قرأت كتاب "علي عتبة المقام" للكاتبة الصحفية "سهير عبد الحميد"، الصادر عن دار الرواق، في طبعته الاولي بعدد صفحات 346 صفحة. الكتاب عبارة عن دراسة سريعة لتاريخ الصوفية الكبير والعميق، حاولت فيه الكاتبة توصيل فكرة للقارئ، ان الصوفية ليست مرتبطة بدين، ولكنها أصل متجذر في فكر المصريين الجمعي. فالكتاب هنا لا يتحدث عن أصل الصوفية كعبادة، ولكنه يهتم أكثر بالتصوف الشعبي، واستعراض مراحل تكوينه وتغلغله في النسيج المصري.  "المصري متدين بطبعه"، قد تكون عبارة ساخرة الآن ولكنها حقيقة، هناك شئ في نفس المصري تدعوه للانجذاب الي الروحانيات عموما بغض النظر عن الديانة. فمنذ عبادة المصري ل"رع"، وتبجيله وتقديم القرابين، والشعائر الاحتفالية الدينية، والمصري مستمر في نفس طقوسه الشكلية مع اختلافات بسيطة بتغير المعبود علي مر العصور. ففي الفصل الاول من الكتاب، عبرت الكاتبة عن هذه الفكرة باتخاذها أخناتون وتوحيده وشعائره وطريقة عبادته وترانيمه كمثال عن العلاقة الروحية بين المصري وإلهه، تلك الترانيم وطريقة العبادة ستجدها متشابهة في طريقة عبادة مسلمي ومسيحي مصر. تقديس المصري ل&q

 - هربتي مني امبارح ومكملتيش حكاية "ذات الهمة". - عجبتك حكايتها كده. - جدا ومتشوق اعرف كمالتها، وفضلت افكر فيها طول الليل، خصوصا ان الغدر جالها من اقرب الناس ليها، وده وجعه صعب اوي. - تفتكر "ذات الهمة" هيكون رد فعلها ايه تجاه "الحارث" و "مرزوق"؟ - اعتقد شخصية قوية زيها، بالشكل اللي عاشت بيه، هيكون رد فعلها انتقامي. سيبك من توقعاتي وكملي الحكاية بقي. الصبح دخلت "أم مرزوق" علي "ذات الهمة" اوضتها، تصحيها زي كل يوم، فراحت راقعة بالصوت. "ذات الهمة" نفسها صحيت مخضوضة من صويت "أم مرزوق". في الوقت ده حس "مرزوق" بالكارثة اللي وقع نفسه فيها وخد ديله في سنانه وهرب. و"الحارث" عمل عملته وراح لابوه "ظالم" حكاله باللي حصل. طبعا "ظالم" سمع كده وكان ناقص يلطم، و"الحارث" يبرر موقفه انه معملش حاجة غلط، ده حقه الشرعي وأخده. من كتر رعب "ظالم" من رد فعل "ذات الهمة"، بقي يلف حوالين نفسه ومش عارف يعمل ايه، دي قادرة تدغدغ القبيلة باللي فيها وتساويهم بالأرض. هداه

- مسلسل ذات ده مسلسل رائع. - أحلي حاجة فيه انه مسلسل واقعي جدا بتشوف فيه نفسك وامك وابوك وجدودك بجد. - بس انا مش عارف ليه اسمها غريب كده، عدمت الاسامي. - متهيقلي هو اسقاط علي اسم الأميرة "ذات الهمة". - ايوه كان فيه حوار، ابوها قال فيها كده. بس انا مش عارف مين الاميرة "ذات الهمة". - الأميرة "ذات الهمة" دي أميرة عربية من أصل فلسطيني وقبيلتها عاشت في الحجاز، عاصرت الخلافة الاموية والعباسية، وكانت أميرة محاربة، وليها حكاية طويلة جدا، حتي اتحكت في القصص الشعبية والحكايات زي سيرة "أبو زيد الهلالي" و "عنترة بن شداد" وكده، بس حكايتها كانت أكبر وأعظم، لدرجة انها اتصنفت أطول حكاية شعبية عربية في التاريخ. - يسلام، معقولة حكاية كبيرة وعظيمة زي ما بتقولي كده، ومحدش سمع عنها، اشمعني يعني عارفين "أبو زيد الهلالي" وهي لا.  - حكاية "ذات الهمة" كانت معروفة أوي، والاجيال بيتناقلوها، و احتلت مكانة بارزة في الوجدان العربي، وسيرتها مكتوبة في  نسخة ضخمة بمتحف برلين مكونة من 23 ألف صفحة. - سيرة مكتوبة في 23 ألف صفحة، ليه هي عملت ايه؟! - من

وعمار يا اسكندرية، يا جميلة يا ماريا، وعد ومكتوب عليا ومسطر ع الجبين. لأشرب م الحب حبة وانزل بحر المحبة، واسكن حضن الأحبة، والناس الطيبين. حكاياتك يا اسكندرية، لو اتكتب علي ورق الدنيا ميكفهاش. اسكندرية اللي شالت أرضها ناس من كل صنف ولون. من كل بلاد الدنيا اتجمعوا وعاشوا في اسكندرية، العدو والحبيب. مدينة ساحرة تجبرك تحبها، ومهما كابرت هتسمع واحده ايوه اسكندراني تجيبك الأرض.  الجميلة الماريا، عاش فيها الايطالي واليوناني، جنب ولاد البلد، وصبحوا منهم. زي الكونت "إستيفان زيزينيا" الايطالي، اللي أسره سحر اسكندرية، وبني قصر فخم وضخم علي الكورنيش شرق اسكندرية. الكونت ده كان له قديس شفيع بيبجله، هو "القديس إستيفانوس"، اللي كان من ضمن 7 شمامسة بيخدموا الكنيسة في القدس، وهو أول شهيد في المسيحية سنة 34م أو 35م، لما اليهود رجموه بالحجارة في القدس، واندفن فيها، لكن بعد كده اتنقل رفاته من القدس الي روما بإيطاليا، واتعملتله هناك كاتدرائية "سانتو استيفانتو"، اللي تعتبر من أكبر و أقدم الكنائس الدائرية في روما. لما جه الكونت "إستيفان زيزينيا" وقرر يعيش في اسكندرية،

جل المنادى ينادى ينادى ياعبادى أنا ماحى الذنوب والأوزار إلهي إلهى بنورك اهتدينا وبفضلك استعنا وبك أصبحنا وأمسينا بين يديك نستغفرك ياالله اول ما هتقرا كلمات الابتهال ده، من غير ما تقصد هتقراها بصوت الشيخ "نصر الدين طوبار"، اللي كبرنا واتربينا علي صوته في المصحف المجود والابتهالات في إذاعة القرآن الكريم، رحمة الله عليه. شيخ جليل من أعلام محافظة الدقهلية، الي جانب نسب عريق، كله شرف ونضال. قالوا في الأمثال العرق يمد لسابع جد، وهنا أبلغ مثال علي المثل ده، لأن جد الشيخ "نصر الدين طوبار" هو شيخ الصيادين وشيخ المجاهدين والزعيم الشعبي "حسن طوبار". المنزلة، محافظة الدقهلية، قاعد "حسن طوبار" مع اخوه "شلبي طوبار"، يباشروا ممتلكاتهم الكتيرة اوي، واللي عبارة عن أسطول مراكب صيد في حدود ٥٠٠٠ مركب، وعدد من مصانع نسيج القطن، وعدد كبير من المحلات، وأراضي زراعية علي مدد الشوف أو ما بعده. وكان "حسن طوبار" كبير العيلة ويعتبر هو كبير البلد، ويعتبر برده أول مليونير في مصر. لو حبينا نرجع لورا ونشوف أصل "حسن طوبار" هتلاقيه في اسمه، اللي جاي م

  - كل منطقة وليها موقف الا امبابة وليها مطار.. امبابة يا دولة. = بس هي علي فكرة اسمها انبابة. - ايه انبابة دي بقي انتي هتغلطي ولا ايه. = لا لا ربنا ميجيبش غلط هو كان اصل اسمها انبابة، الجبرتي في كتاب عجائب الآثار كان بيذكرها بإسم انبابة، وغالبا استمدت اسمها من "سيدي إسماعيل بن يوسف الإنبابي" اللي كان عايش فيها، واللي نسبه زي ما قال المقريزي في كتاب جني الأزهار، بيرجع ل "سعد بن عبادة" سيد قبيلة الخزرج وقت هجرة رسول الله صلي الله عليه وسلم.  - واتغير اسم انبابة لامبابة بعد كده، مش كده؟ = مش بالظبط، زي ما انت عارف، امبابة بتطل علي الشاطئ الغربي من النيل، وزمان مكنش فيه لسه قناة السويس، فكان التجار بيوصلوا ببضايعهم لميناء اسكندرية ويكملوا بالمراكب الشراعية في النيل، لحد امبابة ومنها ينقلوا بضايعهم في القطر لكل محافظات مصر، أو العكس لو فيه بضاعة جاية من الصعيد تاخد الطريق العكسي، فكانت دي الطريقة اللي بتوصل البضايع من والي مصر، عن طريق امبابة. من ضمن البضايع دي كانت الجمال اللي بتوصل من السودان والحبشة، وتتمركز في امبابة عكس باقي البضايع، فالتجار الاحباش اطلقوا عليها &q

  انتهيت من قراءة رواية "الغاوون" للكاتب الأستاذ "عمرو مرزوق"، الصادرة عن دار نون، في طبعتها الأولي، بعدد صفحات 187 صفحة. رواية "الغاوون" تصنف من أدب الرعب، وتصنف عندي من الرعب العالي المستوي، فقليل من روايات الرعب بالذات القادرة علي جذبي من أول صفحة فلا تعطيني فرصة تركها حتي اخر صفحة. وطوال صحبتي مع الرواية مستوي الادرينالين في ارتفاع، الي جانب الشغف والترقب والرغبة في الوصول لحل اللغز. الرواية مكتوبة باللغة العربية الفصحي سردا وحوارا، باسلوب سهل وبسيط يدمج القارئ في جو القصة. أما بالنسبة للقصة فهي تدور في فلك اللعنة الغير معروفة مصدرها التي تصيب البطل أو البطلة كأغلب قصص الرعب، لكن الاختلاف هنا في الحبكة. قسم الكاتب روايته بين ثلاث رواه للحكاية، كل راوي يحكي الحكاية من منظور ما رأي وسمع. وعلي الرغم من اعادة نفس المشاهد، بنفس الحوار تقريبا في كل مرة، لكن الحرفية هنا ان الكاتب لم يدع القارئ يشعر بالملل، فكان الاختلاف موجود في اختلافات وجهات النظر لكل راوي عن الاخر.  للكاتب موهبة في رسم مشاهد الرعب باتقان، عندما قرأتها كأني أشاهد مايصفه أمامي بل وأشعر به. ف

قرأت مؤخرا، كتاب "اعرف بلدك" للكاتب "إسلام وهيب"، الصادر عن دار الرسم بالكلمات، في طبعته الاولي، بعدد صفحات 150 صفحة. الكتاب - كما هو واضح من غلافه - عبارة عن جزء أول، لسلسلة قادمة، وذلك الجزء بعنوان "عواصم مصر الاسلامية". الحقيقة ان اسم السلسلة "اعرف بلدك" مأخوذ عن اسم المبادرة التي اطلقها كاتب الكتاب "أسلام وهيب". تلك المبادرة التي تهدف الي معرفة كل أماكن وآثار مصر، في محافظاتها المختلفة. وعلي الرغم من تاريخ الكاتب الروائي سابقا، الا انه نجح في مبادرته الثقافية بمعلوماته التاريخية الثرية جدا، كما نجح كروائي فيما مضي. الكتاب عبارة عن جولة في عواصم مصر الاسلامية الأربعة، ذكر فيه كافة تفاصيل كل عاصمة، من حيث ابعادها التاريخية وأسباب بناءها، ووصفها جغرافيا ومعماريا، وتأثيرها الحضاري والتجاري، وشكل قاطنيها وامتيازاتهم. تميز أسلوب الكاتب بالبساطة في التعبير والشرح، فانتهج النهج الاكاديمي في عرض معلوماته، فكانت مصادره دائما حاضرة مابين السطور، يستشهد بها ويدلل علي صحة معلوماته الموثقة. ومن الملاحظ التنوع الكبير بين مصادر الكاتب، وسعة اطلاعه

انتهيت من قراءة رواية "إمرأة تحكم العالم" للكاتب الأستاذ "أحمد صبري"، في طبعتها الأولي، الصادرة عن دار الرسم بالكلمات، بعدد صفحات258 صفحة. رواية "إمرأة تحكم العالم" هي الجزء الثالث من ثلاثية "الفضاء أصبح قرية صغيرة"، واللي ضمت جزءين سابقين وهما "الحصار الحديدي" و "العودة إلي الأرض". ومن أسماء الروايات والسلسلة اكيد هنفهم انها روايات مصنفة كأدب خيال علمي وفانتازي. الحقيقة أن روايات "أحمد صبري" مختلفة عن من سبقوه في محاولات الكتابة الفانتازيا. فهو خارج من عباءة مؤسسين هذا اللون والأسلوب الادبي "نبيل فاروق" و "رؤوف وصفي". لدرجة ظهر تأثره بإسلوب دكتور "نبيل فاروق" رحمه الله في كتابة اول اجزاء السلسلة "الحصار الحديدي"، ولكن في الجزءين التاليين اتخذ الكاتب اسلوب كتابي خاص به، وايضا تغير الأسلوب فيهما، فظهر كل جزء بإسلوب كتابي مختلف عن الآخر.  أدب الخيال العلمي له فروع كثيرة ومتنوعة، وقد قسمه العراب دكتور "أحمد خالد توفيق" بالتفصيل في إحدي قصصه في سلسلة ماوراء الطبيعة. الحقي