عايمة في بحر الكتب

  انتهيت من قراءة رواية "وهاب الشروق" للكاتب "محمد عصمت" في طبعتها الأولي الصادرة عن دار نون بعدد صفحات 311 صفحة. معروف "محمد عصمت" في السوشيال ميديا بلقب (بتاع الرعب). ومعروف في الأوساط الأدبية بكتابة روايات الرعب. تابعت "عصمت" منذ أن جذبني بروايته "ذاتوي" وكنت حريصة علي قراءة رواياته بعدها كل عام. فهو من طراز الكتاب الأذكياء في تطويرأسلوبهم، ومجتهد في توصيل نفسه لأكبر عدد من القراء عن طريق تنوع افكار واتجاهات رواياته في السوشيال ميديا أو في الأعمال الورقية. الرواية باللغة العربية الفصحي سردا و حوارا بأسلوب بسيط. ومن الملاحظ أن اسلوب "عصمت" الكتابي تطور بشكل جيد في تلك الرواية. حيث كثر استخدامه لتعبيرات وتشبيهات وأساليب بلاغية أكثر من ذي قبل. تلك الافاضة في الاثراء اللغوي دون تعقيد جعلت الرواية ممتعة في قراءتها. جرعة الرعب بها مخففة ماعدا بعض المشاهد الفجائية وخصوصا في الجزء الأخير من الرواية. ولكن يغلب عليها أكثر الأثارة. ولاتزال حبكة الألغاز التي عند حلها تعطينا لغز جديد، من الطرق المحببة والمثيرة في جذب انتباه القارئ وترقب

  - كل سنة وانت طيب النهاردة عاشورا. - وانت طيب ويعود عليك الأيام بالخير. صايم طبعا. - أكيد. وعازمك تفطر عندنا النهاردة، وماما محضرالك بقي الحلو طبق عاشورا من اللي قلبك يحبه. - ياااه سماط الأحزان. - أحزان ايه ياعم ده طبق البليلة اللي بيتعمل احتفال بعاشورا. - ده دلوقتي بقي مظهر احتفال، لكن غرضه زمان مكنش كده. انت عارف طبق العاشورا ده أصله ايه. - لا معرفش. - احتفالنا أهل السنة بعاشوراء اقتداء برسول الله صلي الله عليه وسلم، لما عرف انه اليوم اللي عدي فيه سيدنا موسي وقومه البحر، وربنا نجاه من فرعون وجنوده. فصامه وحبذ معاه صيام اليوم اللي قبله عشان نخالف اليهود في احتفالهم. لكن أهل الشيعة احتفالهم باليوم ده  لسبب مختلف وهو ان سيدنا "الحسين بن علي بن أبي طالب" حفيد رسول الله صلي الله عليه وسلم استشهد بكربلاء في يوم عاشوراء. - طب وده ايه علاقته بطبق عاشورا بتاع ماما. - منا جايلك اهو في الكلام، صبرك بالله.  في سنة 971م بعد ما أتم "جوهر الصقلي" بناء القاهرة وجامع الأزهر. دخل الخليفة الفاطمي "المعز لدين الله" الي القاهرة ودخل معاه المذهب الشيعي اللي حاول محاولات فاش

زمان قالوا يخلق من ضهر العالم فاسد، وكمان يخلق من ضهر العاقل فاجر. لو جينا نشوف صحة المقولة دي في التاريخ مش هنلاقي انسب من "خماروية بن أحمد بن طولون". مصر ياما مر عليها حكام وأمراء وملوك ودول أشكال وألوان. بعد الفتح الاسلامي فضلت مصر تحت حكم الخلافة الاسلامية من الخفاء الراشدين ثم الخلافة الأموية ثم الخلافة العباسية. لما ضعفت الخلافة العباسية سمح ضعفها ده للولاه بالاستفراد بحكم الولايات. يعني يستقلوا بحكم الولاية لكن الاسم تحت رعاية الخلافة العباسية.  وكان أول استقلال لمصر علي يد "أحمد بن طولون" اللي استفرد بحكم مصر وأسس الدولة الطولونية. وأنشأ عاصمة جديدة وهي القطائع. وسك عملة جديده خاصة بيه مختلفة عن عملة الدولة العباسية. وبني أثر ضخم وعظيم وهو جامع أحمد بن طولون. وكان "أحمد بن طولون" حاكم قوي مهاب الركن فقال عنه "ابن الأثير" :  « وكان عاقلاً حازمًا، كثير المعروف والصدقة، متدينًا، يحب العلماء وأهل الدين، وعمل كثيرًا من أعمال البر ومصالح المسلمين.  وقال عنه  "شمس الدين الذهبي":  « كان بطلًا شجاعًا، مقدامًا مهيبًا، سائسًا، جوادًا، ممدح

  ما كتب عن "الحجاج" يملي مجلدات بس هنا بنحاول نسلط الضوء علي بعض المواقف من حياته بالمختصر المفيد.  ***من ضمن ما كتب عن "الحجاج" كانت علاقته مع "عمر بن عبد العزيز".  "عمر بن عبد العزيز بن مروان" هو ابن أخ أمير المؤمنين "عبد الملك بن مروان"٬ وجده لأمه هو "عمر بن الخطاب" رضي الله عنه. وهو اللي بقي أمير للمؤمنين التامن في السلسال الأموي فيما بعد. ولأنه كان خليفة شديد الورع والتدين والعدل والقوة والرحمة والحكمة أطلق عليه المؤرخين لقب خامس الخلفاء الراشدين. فقد كان شديد الشبه بخصال جده "عمر بن الخطاب". نبتة خضراء وسط شجرة سوداء سبحان الله.  نرجع لايام "الحجاج" و "عبد الملك بن مروان"٬ وقتها كان "عمر بن عبد العزيز" والي علي المدينة المنورة. وكان اهل المدينة بيحبوا "عمر" جدا وبيجلوه٬ لانه كان بار بأهل مدينة رسول الله ومحسن اليهم وبحكمته بيرد المظالم. وكان كاره لإسلوب "الحجاج" الدموي مع أهل العراق٬ عشان "الحجاج" كان بيقتل الآلاف علي مجرد الشبهه٬ يعني انت شكلك من الخ

اليوم هو أول العام الهجري الجديد، كل عام وانتم الي الله أقرب. وبالمناسبة الجليلة دي هنحكي حكاية الهجرة النبوية المشرفة. الرسول صلي الله عليه وسلم فضل في مكة يدعوا الي الله الواحد الأحد 13 سنة. في البداية مهتمتش قريش بدعوة "محمد". لكن لما لقوا ان دعوته بدأت تلاقي صدي والمؤمنين بيه بقوا يزيدوا بشكل مقلق. وايمانهم ده شكل خطر اقتصادي في المقام الأول علي قبيلتهم. وده ليه؟. لما تبقي قريش هي سيدة القبائل نظرا لأنها المتحكمة في الحج لبيت الله واللي تعتبر تجارتها الأولي والأهم قايمة علي عبادة الأصنام والأوثان اللي منتشرة حوالين الكعبة. وتقوم دعوة نبوية من داخل قبيلتهم بتدعوا لنبذ الأصنام وتكفير عبادتهم اللي قايمة عليها تجارتهم وسيادتهم في المنطقة، وكمان بقي ليه مريدين بيزيدوا كل يوم ومش بس من الفقراء والعبيد لا وكمان من ابناء السادة وشوية بشوية بقوا السادة نفسهم. أكيد موضوع مرعب جدا بالنسبة لهم وخطر علي مكانتهم الدينية وزعامتهم الروحية، وبقي وجوب محاربة الدعوة دي حياة أو موت.  وبدأت قريش محاربتها ل "محمد" صلي الله عليه وسلم واتباعه. واستخدمت اسلوب فرض القوة الغاشمة علي ضعفاء

  ظهر الخوارج من أيام خلافة الامام "علي بن أبي طالب" كرم الله وجهه، والحوارج ده لقب أطلق علي المجموعة اللي ﺧﺮجت ﻋﻠﻲ اﻻﻣﺎم "علي بن أبي طالب"، وﻫﻢ اﻟﻤﺘﻤﺮدﻳﻦ ﻋﻠﻲ ﻃﺎﻋﺔ اﻹﻣﺎم دون ان ﻳﻌﺘﻨﻘﻮا ﻣﺬﻫﺒﺎ ﻣﻌﻴﻨﺎ او ﻳﻜﻮن ﻟﻬﻢ رأي ﺧﺎص ﺑﻬﻢ ،خالف تعرف يعني، ﻟﻜﻦ بعد كده بقي اﻻﺳﻢ ﻋﺎﻣﺎ ﻋﻠﻲ ﻃﺎﺋﻔﺔ ﻟﻬﺎ ﻣﻨﻄﻘﻬﺎ ورأﻳﻬﺎ، اﻟﻤﻬﻢ أن اﻟﻄﺎﺋﻔﺔ دي عملت ﻓﻲ اﻟﻤﺠﺘﻤﻊ اﻻﺳﻼﻣﻲ ﻓﺘﻨﺔ كبيرة وﻜﻔروا ﻛﻞ اللي منضمش ليهم ومش معاهم حتي ولو ﻛﺎن ﻣﻮﻗﻔﻪ ﺳﻠﺒي أو ﻣﺤﺎﻳﺪ. طبعا الكلام ده تحسه مش جديد، الخوارج ليهم أنواع وأشكال وأسماء مختلفة علي مر العصور بس المبدأ واحد. ورغم كده اتميزوا ﺑﺎﻟﺠﺮأة واﻟﺸﺠﺎﻋﺔ اﻟﻨﺎدرة، لدرجة انهم ﻳﺘﺼﺪون ﻟﻤﻦ ﻳﺤﺎرﺑﻬﻢ ﺑﻌﻨﻒ وﺷﺮاﺳﺔ لأنهم بيقاتلوا وهم مقتنعين تمام الاقتناع انهم علي حق واي حد غيرهم علي باطل. فأشد أنواع الحروب هي اللي بيبقي أساسها عقيدة والأخطر لما يكون تعصب باطل. وفضلت الحرب بينهم وبين الامام "علي بن أبي طالب"، واستمرت حروبهم مع الخلفاء الأمويين كلهم، لدرجة انهم قالوا ان الخلافة استنفدت خزائنها ومواردها في حروبها مع الخوارج وبرده مقدروش عليهم. وصلنا في الجزء اللي فات لما &quo

  دخل "الحجاج" علي أهل العراق دخلة انك لميت وانهم لميتون. بس ده كان له سبب، ومكنش اختيار أمير المؤمنين "عبد الملك بن مروان" ل "الحجاج" لولاية العراق كده اعتباطا. كان "عبد الملك" الجلاد و "الحجاج" هو سيفه.  لما انشغل "عبد الملك بن مروان" في صراعه مع غريمه "عبد الله بن الزبير"،وتركزت انظاره لفتره من الزمن علي الحجاز. حصل في العراق فتنة واضطرابات وتمرد علي الحكم وفوضي. فلما انتهي من "بن الزبير"، واصبح "عبد الملك" هو الخليفة الأوحد للبلاد الاسلامية، وقدر ياخد نفسه كده، بص لقي زمام الأمور في العراق خلاص قرب يفلت من ايده.  وبعد ما عزل "الحجاج" من امارة "الحجاز"، رجع بيه علي عاصمته في دمشق. وعمل اجتماع عاجل يشوفوا فيه هيتصرفوا ازاي في العراق.  قعد أمير المؤمنين "عبد الملك بن مروان" و قَال: (إن العراق قد كَدر ماؤه وكثر غوغاؤه وعظم خطبه وظهر ضرامه وعسر إخماد نيرانه فهل من ممهد للعراق بسيف قَاطع وعقل جامع وقَلب ذكي وأنف حمي فيخمد نيرانه ويردع غيلانه وينصف مظلومه فتصفو البلاد وت