عايمة في بحر الكتب

 الحشاشين 7 والأخير ... توفي السلطان السلجوقي "محمد تبار بن ملكشاه" سنة 1118م. وبوفاته أنسحب الجيش المحاصر لقلعة ألموت في لحظة ما كانوا خلاص الاقتحام وشيك والنصر علي الأبواب. بعد موت السلطان "محمد" ، أخد العرش من بعده ابنه وأصبح السلطان "محمود الثاني بن محمد بن ملكشاه" اللي قعد في الحكم 13 سنة كانوا من أسوأ الفترات اللي مرت علي دولة السلاجقة. قال المؤرخون أن فترة حكم السلطان "محمود الثاني" كانت مليانة بالفوضي والتمردات والصراعات الداخلية والتفكك في قلب الدولة السلجوقية، وصراعات خارجية كتيرة أدت لظهور الدولة الزنكية علي حساب ضعف الدولة السلجوقية. وبسبب صراعات السلطان "محمود الثاني" الخارجية أتسبب في قتل الخليفة العباسي "المسترشد بالله". في بداية حكم السلطان "محمود الثاني" ثار وتمرد عليه أخوه الأصغر " أبو الفتح مسعود ابن محمد بن ملكشاه" وطالب بالعرش، وحصل تفكك جديد في الدولة السلجوقية وانقسم الأمراء بينهم، وقامت الحروب، حرب ورا التانية، وأنضم الخليفة العباسي "المسترشد بالله" وأخد صف السلطان "مح

الحشاشين 6 ... مات السلطان السلجوكي "بركياروق" سنة 1105م. ولما سألوه عن السلطان من بعده، قال ابني "ملكشاه". الحقيقة أن "بركياروق" كان عارف أن أبنه اللي عنده 4 سنين لا يصلح للحكم، والأصلح هو أخوه الكبير من بعده "محمد تبار بن ملكشاه"، لكن بسبب صراعاتهم مع بعض علي الحكم خاف أن "محمد تبار" يستفرد بالحكم ويطلع أبنه من المولد بلا حمص، عشان كده أختارالأمير "جلال الدين إياز السلجوقي" واحد من كبار رجال القصر السطاني بتاعه، يكون وصي علي عرش أبنه الطفل "ملكشاه التاني بن بركياروق".  كان معروف عن الأمير "إياز" أنه رجل صالح تقي دايما يسعى لخير الناس، ومبيحبش لا الدسائس ولا الوشايات. وعشان الأسباب دي أختاره "بركياروق" لضمان أنه ميخدش العرش من أبنه، بس الغريب أنه لنفس السبب ده لما "محمد تبار" دخل عليه، فضل الأمير "إياز" أنه يقصر الشر وسلمه السلطنة بيضة مقشرة وكفي الله المؤمنين شر القتال. أخيرا أتحقق الحلم اللي صارع عليه سنين وأصبح "محمد تبار بن ملكشاه" السلطان السلجوقي الجديد والرسمي

 الحشاشين 5 ... قالوا زمان في الاتحاد قوة والتفكك ضعف، وده اللي حصل بين الدولة السلجوقية و"حسن بن الصباح". في حين أن "الصباح" كان بيجمع أنصاره ومؤيديه حواليا ويعمل منهم طائفة قوية كل يوم بتقوي وبترعب العالم، كانت الدولة السلجوقية بتتفكك ووكل أبن من أبناء السلطان السلجوقي "ملكشاه بن ألب أرسلان" بينزع حتة من الدولة وينصب نفسه عليها سلطان. ومش بس أنقسام وتفكك السلاجقة ساعد في قوة وصعود طائفة "حسن بن الصباح"، ده كمان ساعد في نجاح الحملات الصليبية - أول حملة صليبية كانت سنة 1096م - وسقوط البلاد الإسلامية. دائما وأبدا فتش عن المرأة - خدها مني أنا عارفة بقولك ايه - في النجاح أو الفشل دايما هناك إمرأة. وفي حالة الدولة السلجوقية كان فيه "تركان خاتون" زوجة السلطان "ملكشاه" وواضح أنها أخر زوجاته وأصغرهم عشان أبنها كان أربع سنين لما مات أبوه السلطان ومن هنا كانت الأقوي تأثيرا. الست "خاتون" كانت عاوزة أبنها "محمود" اللي عنده أربع سنين يبقي ولي عهد أبوه متخطي أخوه الكبير اللي عنده 12 سنة "بركياروق"، لا وظبطت حا

الحشاشين 4 ... دخل واحد من طائفة "حسن بن الصباح" عليه في غرفته وهو قاعد بيكتب ويدون مراسلاته وأوامره، وبلغه بنجاح عملية قتل وزير الدولة السلجوقية "نظام الملك"، فساب ريشته في دواية الحبر وبصله وقاله بهدوء وراحة: " قتل هذا الشيطان هو بداية البركة". بعد وفاة الوزير العادل "نظام الملك" علي ايد قاتل من طائفة "حسن بن الصباح" غدر. توفي بعده بوقت قصير جدا السلطان السلجوقي "ملكشاه بن ألب أرسلان"، وأصبح السلطان من بعده ابنه "سنجر بن ملكشاه". عين السلطان "سنجر"، "فخر الدين بن نظام الملك" وزير له، وهو يبقي أكبر أبناء "نظام الملك". فيه كلام صادفته بيقول أن "ملكشاه" هو اللي سلط "حسن بن الصباح" يقتل "نظام الملك" عشان سطوة "نظام الملك" ونفوذه وهيمنته علي الحكم. والكلام ده مبني علي أن "نظام الملك" كان معين أسرته كلها في المراكز الهامة والحساسة في الدولة، وأن من بعد وفاة "نظام الملك" حصل صراع بين أبناؤه علي كرسي الوزارة، وصراع تاني بين أبناء &quo

الحشاشين (3) ... من سنة 1801م، عاش "حسن بن الصباح"مقرب من الوزير السلجوقي العظيم "نظام الملك"، وهو خادعه ومفهمه أنه سني شافعي. "نظام الملك" شايف فيه أنسان تقي وورع ومتدين وحكيم، النوع اللي بيفضله وبيقربه ليه من الرجال، وفي السر كان "حسن بن الصباح" أشد أعداء نظام الملك" والدولة السلجوقية والمذهب السني كله عموما. "حسن بن الصباح" أخد الأمان من "نظام الملك" وأخد عطاياه وهباته اللي كان بيفرقها علي العلماء وطلاب العلم بأعتباره واحد منهم، وأنطلق يلف في كل القري والصحرا يدعوا للمذهب الاسماعيلي الباطني الشيعي، والكارثة أنه قدر يقنع ناس كتير وخصوصا الشباب حديثي السن اللي كلهم قوة وحماس وعصبية ، وأنضموا لدعوته وأعتبروه إمامهم، وبقي معاه عصبة من الرجال، وبدأت قوته ونفوذه يقوي وكلمته مسموعة بين الفلاحين والبدو. "حسن بن الصباح" مكنش شغال في الدعوة للإسماعيلية وماشي كده علي الله، ده كل خطوة كانت بحساب وعارف حاطط رجله فين والخطوة الجاية ايه، عنده هدف ومخططله صح. كانت أهم خطوة حاططها في جدوله هو وقت الهروب، يعني الوقت اللي أمره

  الحشاشين 2 ... الزمان سنة 1176م، المكان معسكر جيش "صلاح الدين الأيوبي" في الشام. يتقدم رجل ناحية حراس المعسكر، وبالطبع وقفوه يسألوه عاوز ايه. رد بكل ثبات وقال أنه رسول من "سنان راشد الدين" شيخ الجبل، يحمل منه رسالة خاصة وسرية ل"صلاح الدين الأيوبي". أسم "سنان" أربك الحراس، لأنهم فهموا أن اللي واقف قصادهم ده واحد من الحشاشين. بعتوا واحد منهم ل "صلاح الدين" يبلغه. أمر "صلاح الدين" بتفتيش الرسول كويس جدا، ما هو "صلاح الدين داق محاولة اغتيال منهم قبل كده وفشلت، وداخل معاهم في صراع وحروب، وغزا معاقل ليهم في الشام وقتل أكتر من 13 ألف أسماعيلي من الحشاشين. وبعد التفتيش الدقيق ولما ملقوش معاه سلاح ولا حاجة خطيرة سمحوله يدخل لخيمة قيادة "صلاح الدين الأيوبي" في المعسكر. فلما دخل الرسول بص حواليه وقال الرسالة شرطها أن محدش يكون مع "صلاح الدين" في المكان. فأمر "صلاح الدين" الجمع بالأنصراف ففضل موجود عدد قليل من الناس، رجع الرسول وقال: " امرني سيدي الا أقدم الرسالة الا في عدم حضور أحد". فأمر &q

الحشاشين... لا دي مش قعدة أنس، دي قعدة رعب وموت وفزع. الحشاشين أسم أطلق علي واحدة من أشهر المنظمات أو الحركات الار.ها.بية في التاريخ واللي رعبت العالم علي مدار 3 قرون، بلغت فيهم من القوة والسيطرة درجة محصلتش قبلها قبل كده، لدرجة أن من شدة قوتها والرعب اللي عملته في العالم أتنسج حولها الأساطير والحكايات الخرافية من شدة ماهي كانت أصلا رعب فوق الخيال. بعد المعارك اللي دارت بين السلطان السلجوقي " سنجر بن ملكشاه"  وطائفة الحشاشين في محاولات منه أنه يقضي علي الطائفة الملعونة. في يوم صحي السلطان من النوم وبيتقلب كده لقي خنجر مغروز في المخدة جنب راسه وفيها رسالة بخط ايد "حسن بن الصباح" وختمه بيقوله فيها " كان من الممكن أنْ يُغرَس في صدرك”. وبسبب رعبه من الحركة دي قرر "سنجر بن ملكشاه" يتفاوض مع "حسن بن الصباح" ويتجنبهم خالص طول فترة حكمه. مفيش رعب بقي أكتر من كده، دول وصلوا لأوضة نوم السلطان، فاهم يعني ايه عدوا من قصر السلطان وعدوا من حراسه، والله أعلم ان مكنش أصلا الحراس تبعهم، زي ما عملوا بعد كدة مع السلطان الناصر "صلاح الدين الأيوبي" وأك

أنتهيت من قراءة رواية بعد الطوفان للكتاب الأستاذ شريف بحيري في طبعتها الأولي الصادرة عن دار اسكرايب بعدد صفحات 259 صفحة. الحقيقة شعرت بالحيرة في تصنيف رواية بعد الطوفان، لأن في بدايتها قد يخيل للقارئ أنها رواية تاريخية فلسفية ولكن في النهاية تكتشف أنها رواية فانتازيا تاريخية مغلفة بطابع فلسفي أو إسقاطي. أحداث الرواية قائمة علي صراع الخير والشر، الحق والباطل. الكاتب رصد في روايته دورة حياة آدم وبنوه منذ بدء الخليقة، وتطور بني آدم المكرم من الله عز وجل من الإيمان إلي العصيان واتباع وسوسات الشيطان.  المقصود بالطوفان في الرواية هو طوفان سيدنا نوح عليه السلام، ولكن معني الطوفان أعم وأشمل من ذلك فهو موجة التغيير الجذري وغلبة الحق علي الباطل، فكان هناك نوعين من الطوفان في الرواية، الأولي كانت طوفان نوح وتطهير الأرض من الدنس والكفر وبدأ تعميرها من جديد علي مبادئ الإيمان والتوحيد. ويأتي هنا السؤال لماذا يتغير البشر؟ لماذا أبتعد نسل المؤمنون عن ايمانهم؟ لماذا ينجس الثوب الابيض الطاهر من جديد؟ هل لأنه إنسان ينسي؟ أم لأن غروره وطمعه يحركه؟ أم لأن وسوسات الشيطان أكبر منه؟. الانسان غالبا ما يرفض الي