عايمة في بحر الكتب

  الأمين والمأمون 2 حس "هارون الرشيد" أنه أخطأ في اختيار ابنه "محمد الأمين" ولي عهد، وقدمه عن أخوه الكبير "عبد الله المأمون" اللي كان أحق بولاية العهد. صحيح هو راضي الجانب الهاشمي، وعلي رأسهم زوجته "زبيدة" أم الأمين، لكن "المأمون" برده وراه عزوة مش سهلة من الفرس والبرامكة وحلفاؤهم أصحاب المصالح. حاول "الرشيد" يصلح الدنيا وينقذ مايمكن إنقاذه، قعد يفكر لحد ما هداه تفكيره لحل شافه انه حل مناسب وهيرضي جميع الأطراف. في سنة 186هجري، خرج "هارون الرشيد" مع ولاده للحج. وهناك عند الكعبة ووسط كل الحجاج اللي جايين من كل بقاع الدول الاسلامية، عشان يبقوا شهود عليهم، أعلن أن "محمد الأمين" هو ولي عهده ويكون "عبد الله المأمون" هو ولي عهد أخوه "الأمين"، وأخوهم التالت "القاسم" يكون ولي عهد "المأمون". هنا "هارون الرشيد" مخدش باله أنه عمل نفس الغلطة اللي عملها أبوه الخليفة "محمد المهدي"، لما ولي العهد لإبنه "موسي الهادي" ومن بعده "هارون الرشيد"، وال

  الطمع من الصفات الملعونة في الانسان، واللي إندرجت من ضمن الخطايا السبع. والطمع مدخل أساسي للشيطان، بيلعب عليه بسهولة، وغالبا بتكون النتيجة طمعنجي بناله بيت فلسنجي سكنله فيه. والطمع والحكمة عادة مبيجتمعوش، يعني مش هتلاقي إنسان عاقل وحكيم وبيحسب خطواته وردود أفعاله كويس فيه صفة الطمع. الطماع دايما متهور، وطمعه عاميه، والخراب لنفسه واللي حواليه دايما علي ايديه. لو بصينا في التاريخ، هنلاقي أن كل المصايب والفواجع اللي حصلت كان أساسها الطمع. من أول جريمة علي وجه الأرض كان الطمع هو الدافع، لما طمع قابيل في ما هو مقدر لأخوه هابيل. ومن يوميها والانسان بطمعه وجشعه، بيدمر الأخضر واليابس. ضحايا بالمليارات من بدء الخليقة لحد الآن، ملهمش أي ذنب، راحوا في الرجلين نتيجة الطمع في سلطة أو نفوذ.   قصتنا النهاردة بتدور في قلب الخلافة العباسية. طبعا التاريخ الاسلامي زيه زي أي تاريخ لأي دولة أخري، تاريخ صنعه بشر، فما يؤخذ له أو عليه هو علي عهدة الأشخاص وليس علي الاسلام. فمن المعروف أن من بعد خلافة الخلفاء الراشدين  (أبي بكر - عمر - عثمان - علي ) رضي الله عنهم وأرضاهم أجمعين، تحولت سياسة الحكم تماما عما وض

  يا كحـك العيـد يا احنـا يا بسكـويت يا احنـا يا شرباتات يا احنا فـ الكوبايـات يا احنا يابلح بريمو يا احنا يتباع بالكيلو يا احنا أنا بيصعب عليا أوي الجيل الجديد أنه فايته حاجات حلوة كتيرة عشناها، وأتحفرت في ذكرياتنا. أراهنك أنك لما قريت الكلمات اللي فاتت قريتها مسموعة بصوت والدتك وجدتك وبنات العيلة وهم ملمومين حوالين الصاجات بيعجنوا وبيرصوا عليه الكحك المنقوش والبسكويت. وكانت مهمة ولاد العيلة يشيلوا الصاجات دي علي راسهم، بعد ما يكتبوا عليها اسمهم بالطباشير، ويودوها للفرن عشان تستوي، وتلاقي ولاد الشارع كله والشوارع المجاورة متجهيم بالصاجات للفرن الوحيد في المنطقة. وعلي ما الكحك يستوي تلاقي دوري الكورة اشتغل مع بمب العيد، ويا سوادة اللي الصاجة تجلي منه وتقع علي الأرض. وأحلي لحظة بقي بعد صلاة العيد، لما ترجع وتكون والدتك محضرة الكحك الجميل المحشي ملبن أو عجوة أو مكسرات، ومرشوش عليه السكر البودرة، والبسكويت جمب كوباية الشاي بلبن. ياااااه ساعات بشتاق ليوم عيشته وأنا صغير. طبعا الكلام ده كله انتهي وفضلنا الكحك اللآلي، زي كل حاجة في حياتنا ما بقت آلي، منه لله العمدة الألي هو السبب. يا تري بتح

 يوم السبت 2 إبريل سنة 2018، يوم مستحيل أنساه، خصوصا الساعة 7 بالليل. بعد ما خلصت روتيني اليومي، وتفرغت من مسؤولياتي كأم وربة منزل وامرأة عاملة. مسكت تليفوني وبدأت أتابع أخبار التايم لاين علي الفيس بوك. فجأة بيظهر ادامي بوست لواحد من الكتاب الشباب في المؤسسة العربية الحديثة. بيتكلم بهجوم وحدة، وبيتهم مروجي الإشاعات بالتفاهة، عشان وصل بيهم قلة الذوق انهم يروجوا اشاعة وفاة العراب علي إنها كدبة ابريل. انا قريت الكلام، فتمتمت بإنزعاج " ياساتر يارب". وكملت تقليب فلقيت بوست تاني لكاتب شاب تاني بيقول انه بيتصل بالعراب عشان يطمن عليه لأن كدبة ابريل الخاصة بوفاته مزعجة جدا وسخيفة، لكن تليفونه مغلق. فكررت تمتمتي مع "أعوذ بالله". واستمريت في التقليب علي التايم لاين بلاهدف. ومفاتتش دقيقة وألاقي قصادي بوست نعي العراب من المؤسسة العربية الحديثة ذات نفسها. هنا أنا اتنفضت واتعدلت في قعدتي، وبقيت أقلب زي المجنونة بين بوستات الكتاب. وصعقت لما لقيت كدبة ابريل مطلعتش كدبة، دي حقيقة، حقيقة صادمة. لقيتني بتمتم "مات! يعني ايه مات". فضلت ادخل صفحات وجروبات أدور علي خبر النفي، لكن