المشاركات

حصار السويس 2

صورة
 هو أنا مش قلت كذا مرة "التاريخ بيكرر نفسه"، وقف  اطلاق نار ايه اللي انتوا مستنينه، قال يا مستني السمنة من بطن النملة. الناس دي يا بني لا ليهم عهد ولا دين ولا أمان. دايما الضعيف بيستحل أي حاجة، وبيشتغل بأقذر الأساليب عشان يوصل للمكسب اللي  هو عاوزه.الضعيف بيستغل تشتيت خصمه، انما لو خصمه قوي بيستخبي منه جوا الجحور. كلمة وقالها "جمال عبد الناصر" زمان، ما أوخذ بالقوة لا يسترد الا بالقوة. هترجع وتقولي وقف اطلاق النار معناه أن أرض العزة أنتصرت، هقولك أرض العزة منتصرة مفيش جدال بشهادة القرآن كلام رب العالمين. أنما موضوع وقف النيران ده برده مش مضمون، عشان الحكاية دي أنا شفتها قبل كده علي رأي "باسم يوسف"، ما تيجي تشوفها معايا. 6 أكتوبر 1973م، الساعة 2 الضهر، طارت طياراتنا الباسلة دكت القوات الجوية للعدوعلي الأرض زي ما عملوا معانا في 67. ومن بعدها أقتحموا مشاة جيشنا خطوط العدو، وهدوا خط بارليف الأسطوري اللي قالوا عليه ميتهدش الا بالقنبلة النووية، وفرجناهم عليه وهو بيتهد بخراطيم ماية. يومها الجيش المصري أثبت للعالم كله أن جيش العدو ده جيش مراجيح، بكل معداته وأسلحته ...

أبو عبيدة بن الجراح

صورة
في شهر واحد بس أتغير اهتمام ولادي من متابعة أحدث أصدارات الجيمز وطرق لعبها، لمتابعة تطورات الأحداث في أرض العزة. أتغيرت محطتنا الرئيسية في التليفزيون من سبيس تون، للقنوات الاخبارية. بطلهم الخارق كان هالك وايرون مان، النهاردة بطلهم الخارج أسمه "أبو عبيدة"، الفرق أنه بطل حقيقي من لحم ودم وبيزرع جواهم قدوة وشرف.  أكيد أنت واخد بالك أن أسم "أبو عبيدة" هو أسم حركي، مش أسمه الحقيقي. طب ليه أختار الأسم ده تحديدا، مين هو "أبو عبيدة" الأصلي.  قال رسول الله صلى الله عليه وسلم: "إن لكل أمة أمينا، وإن أميننا أيتها الأمة، أبو عبيدة بن الجراح". في بداية الدعوة إلي الإسلام، كانت دعوة رسول الله صلى الله عليه وسلم سرية لمدة ٣ سنوات. كان الرسول صلى الله عليه وسلم بيجتمع بأصحابه وأوائل الناس اللي دخلوا الإسلام في السر، في دار إبن أبي الأرقم، وأختار الدار دي تحديدا عشان كانت متطرفة علي حدود مكة ومفيش بيوت حواليها. زي محنا عارفين أن أول من أسلم من الرجال كان "أبي بكر الصديق" رضي الله عنه وأول من أسلم من الصبيان كان "علي بن ابي طالب" كرم الله وجهه ...

طفل روزماري (ريفيو)

صورة
انتهيت من قراءة ترجمة الرواية الأمريكية "طفل روزماري" للكاتب "آيرا لفين" المتوفي في 2007م، من ترجمة الكاتبة المبدعة "شيرين هنائي" الصادرة عن دار الرواق في طبعتها الأولي 2020 بعدد صفحات 291 ورقية. حكاية طفل روزماري ليست بغريبة عن قراء العراب أحمد خالد توفيق فقد ذكرها في أكثر من مكان في سلسلة ماوراء الطبيعة وفانتازيا ومن خلاله عرفنا نبذة سريعة عن أحداثها التي كان من الواضح أنه معجب بها رحمه الله. وعندما رأيت القصة مترجمة أخيرا علي يد إبنة العراب شيرين هنائي لم أتردد لحظة في قراءتها لسببين. السبب الأول أن شيرين هنائي مترجمة بطراز أديبة ثقيلة تنقل النص الأدبي بروحه الأصلية بمنتهي السلاسة فلا تشعر أنه نص مترجم يفصلك عن أحداثه أو مغزاه الاصلي. السبب الثاني هو حنيني لشئ كان يحبه العراب أو تحدث عنه، برغم من معرفتي ملخص أحداث الرواية لدرجة الحرق لها، إلا اني كنت مستمتعة جدا بقراءتها تفصيليا.  تدور الرواية حول روزماري وزوجها الممثل المغمور "جاي"، الذين وجدوا فرصة عظيمة بالسكني في مبني برامفورد الشهير الكلاسيكي بسعر يكاد يكون بخس. وعلي الرغم من تحذير "...

حصار السويس 1

صورة
  حزين وباكي؟ حاسس بالألم بيعصر قلبك؟ طعم الحياة أختلف، مبقتش عارف ترجع تعيش حياتك زي ما كانت؟ فقدت الشغف في شغلك وحياتك؟ عندك شعور أن النوم جريمة، الضحك جريمة، الأكل جريمة، الحياة ذات نفسها جريمة، أحساسك بالذنب والتقصير والعجز والقهر بيقتلك بالبطئ. شايف أن الحياة غير عادلة واللي بيحصل ده جريمة أنسانية كبري محصلتش قبل كده. بس هي حصلت كتييييييييير جدا، في كل زمان ومكان، وحصلت بصور أبشع بكتير من اللي أحنا شايفينه، حتي القرآن الكريم سجلنا مذبحة كانت في غاية البشاعة، وهي مذبحة أصحاب الأخدود. قال الله تعالي:" وَٱلسَّمَآءِ ذَاتِ ٱلۡبُرُوجِ  (1)  وَٱلۡيَوۡمِ ٱلۡمَوۡعُودِ  (2)  وَشَاهِدٖ وَمَشۡهُودٖ  (3)  قُتِلَ أَصۡحَٰبُ ٱلۡأُخۡدُودِ  (4)  ٱلنَّارِ ذَاتِ ٱلۡوَقُودِ  (5)  إِذۡ هُمۡ عَلَيۡهَا قُعُودٞ  (6)  وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ  (7)  وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِ ٱللَّهِ  ٱلۡعَزِيزِ ٱلۡحَمِيدِ  (8)  ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَ ٱل...

الراشد العمري 9

صورة
  (9) كانت سياسة بني أمية في الحكم هي البطش والترهيب، اخذ كل الامور بالقوة وسفك الدماء. كان مبدأهم استقرار الحكم واعتدال الأمور بتكميم الافواه وده عن طريق تطيير الرقاب لكل من قال الأه حتي. لكن "عمر بن عبد العزيز" كنت رؤيته ان تحقيق استقرار الحكم يجي بالعدل ومنع الظلم والتعسف، ورد المظالم الي اهلها، وده عكس نظام الحكم الأموي تماما، وبالتالي سياسة "عمر بن عبد العزيز" وطريقة تفكيره وسط أهله من الأمويين يعتبر انقلاب سياسي خطير وحاد، لأنه بالمنظر ده بيواجه لوحده دولة كامة بجميع أركانها اللي في كل مكان وجحر مثبتين جذورهم اللي بتتغذي علي الظلم والقهر والدماء، وهيكون ليهم ردود فعل خبيثة من أصحاب المصالح اللي جو السلطة والظلم مريحهم.  لكن ترتيب القدر كان له رأي أخر. سين سؤال ماذا يحدث اذا أطال الله بقاك "الوليد بن عبد الملك بن مروان" علي قيد الحياة. جيم جواب كان سيتحايل علي قتل ابن عمه ونسيبه "عمر بن عبد العزيز" في أقرب فرصة، خصوصا بعد ما وقفله زي الشوكة في حلقه لما حب يغير ولاية العهد ويديها لابنه بدل اخوه "سليمان بن عبد الملك" اللي الناس بايعت...

الراشد العمري 8

صورة
  (8) كان أمير المؤمنين "عبد الملك بن مروان" واخد البيعة لولاية العهد لابنه الكبير "الوليد بن عبد الملك" ومن بعده لأخوه "سليمان بن عبد الملك"، وده حصل من بعد موت "عبد العزيز بن مروان" أخو "عبد الملك بن مروان" اللي كان ولي عهده الأصلي، لكن القدر شاء أن ولي العهد يموت قبل الخليفة. وزي ما فكر "عبد الملك بن مروان" أنه يخالف البيعة وياخد ولاية العهد من أخوه ويديها لابنه بسبب وسوسة "الحجاج بن يوسف الثقفي"، "الوليد بن عبد الملك" برده ان عاوز يخالف البيعة وياخد ولاية العهد من أخوه ويديها لابنه وبرده بسبب وسوسة "الحجاج"، وكأن "الحجاج" غاوي فتن ووقيعة وخلاص. ان كان مرض "عبد العزيز بن مروان" وخوف أخوه عليه وقف حائل قصاد رغبة "الحجاج" في المرة الأولي، ف "عمر بن عبد العزيز" كان الحائل وحائط الصد القوي اللي أتكسرت قصاده رغبة وأطماع "الحجاج" في المرة التانية. "الوليد" بعت لأخوه "سليمان" اللي كان والي علي فل.سط.ين وقتها، يعرض عليه فلوس مقابل أن...

الراشد العمري 7

صورة
  (7) قال رسول الله صلي الله عليه وسلم: "ألا وان المدينة كالكير يخرج الخبث، لا تقوم الساعة حتي تنفي المدينة شرارها، كما ينفي الكير خبث الحديد". لما خرج "عمر بن عبد العزيز" من المدينة المنورة بعد ما عزله أمير المؤمنين "الوليد بن عبد الملك" من أمارتها بسبب وشاية ومكيدة ظالمة من "الحجاج بن يوسف الثقفي"، بكي "عمر" لفراق المدينة وأهلها، وأفتكر حديث رسول الله وقال لخادمه "مزاحم": "يا مزاحم أخشي أن نكون ممن نفت المدينة". "مزاحم" كمان مكنش مبسوط ومتشاءم، بسبب أنه وهو خارج رفع راسه للسما فشاف القمر واقع في مجموعة نجمية معروفة بالدبران مابين الثور والجوزاء، وكان العرب زمان بارعين في قراءة النجوم عشان حياتهم كلها في طرق الصحرا وكانت النجوم دليلهم، ووجود القمر بين الدبران لحظة كان العرب زمان بيتشاؤموا منها. فحب "مزاحم" يلفت نظر "عمر" أن السبب في اللي حصل هو وجود القمر في الدبران مش أن المدينة نفتهم ولا حاجة محاولة منه أنه يخفف عنه، فقال "مزاحم": "أل تنظر الي القمر ما أحسن أستواءه في ه...