عايمة في بحر الكتب

(5) في سنة 648 هجرية/ 1250 ميلادية، تزوجت "شجر الدر" من "عز الدين أيبك" وتنازلتله عن عرش مصر، وعشان برده ميخرجش العرش من البيت الأيوبي،  قام المماليك بإحضار طفل من العائلة الأيوبية عنده 6 سنين، وسلطنوه باسم "الملك الأشرف مظفر الدين موسى" وأعلن "أيبك" أنه مجرد نائب للملك، حاجة صورية كده وشرفية للأيوبين .   في البداية فضل "فارس الدين أقطاي" هو قائد الجيوش، ونائب قائد الجيوش كان "ركن الدين بيبرس البندقداري" في بداية حكم "أيبك". وفعلا ساعده مع "بيبرس البندقداري" علي هزيمة حاكم دمشق "الملك الناصر" اللي فكر ياخد الحكم من "أيبك" في معركة كورا، وفي سنة 1251م قدر يستولي علي جزء من سوريا. و قدر "أيبك"  ينهي كل الخلافات والصراعات مع العائلة الأيوبية في الشام، وعمل اتفاقية معاهم بوساطة الخليفة العباسي "المستعصم بالله" سنة 1253م. وكمان قدر "أيبك" بمساعدة "أقطاي" و "بيبرس"، يسيطروا علي تمرد العربان في صعيد مصر بقيادة الشريف "حصن الدين ثعلب" و...

(4) لما مات "الملك الصالح نجم الدين أيوب" بعتت الأمير المملوكي "فارس الدين أقطاي" برسالة مختومة بختم "الملك الصالح" اللي معاها، يوصلها ل "توران شاه بن الملك الصالح"، اللي كان في حصن كيفا علي أطراف العراق، بتأمره  - بصيغة أن أبوه الملك اللي كاتبها عشان محدش يشك في حاجة - بضرورة الحضور علي مصر في الحال. "شجر الدر" كانت عاوزة تخلص من الحملة الصليبية، وفي نفس الوقت تسلم الحكم لإبن جوزها في سلمية من غير صراعات وانقلابات في البيت الأيوبي.  وبعد "مصيدة المنصورة" اللي أنتصر فيها جيش المماليك بقيادة "بيبرس البندقداري" علي الصليبيين، بأيام وصل "توران شاه بن الصالح نجم الدين أيوب" مع الأميرالمملوكي "فارس الدين أقطاي" ومعاه 50 فارس من فرسانه. وأول ما دخل قصر المنصورة استقبلته "شجر الدر" بفرحة وحفاوة كبيرة جدا، حست ان المسؤولية التقيلة اللي علي كتافها انزاحت وحضر اللي هينقذها وينقذ مصر من أزمتها. وبعد 3 شهور من وفاة "الملك الصالح" أعلن قصر الحكم عن وفاته رسميا وتولي ابنه "المعظم مغيث ا...

 (3) خرجت حملة "لويس التاسع" الصليبية في 1249ميلادية من فرنسا متجهة لمصر. وأول ما وصلت سفن الحملة ناحية قبرص، قامت عواصف وأعاصير، وأتكسر بسببها  نص سفن الحملة - دي علامة يا مارد - فوصل لسواحل دمياط 700 سفينة من سفن الحملة الصليبية في يونيو 1249 ميلادية. نزل الجيش الصليبي شواطئ دمياط لقي قصاده جيش المماليك ومعاهم جيش عرب كنانة وتحصيناتهم الجامدة لمدينة دمياط. وكان فيه دفاع من المماليك شديد، حاولوا بيه ميخلوش الجيش الصليبي ينزل من مراكبهم. وفضل القتال داير، لكن الجيش الصليبي قدر يضغط علي الجيش المملوكي وخلاه كل شوية يتقهقر. لحد ما في يوم انسحب الجيش المملوكي بالليل علي جوا البلد نفسها. فالأهالي وسكان دمياط لما شافوا الجيش المملوكي داخل بيجري عليهم اتفزعوا، والناس عرفت ان الصليبيين اكيد داخلين وراهم، فطلعت الأهالي من بيوتها حافيين من عز نومهم يجروا بكل فزع في نص الليل، ما بين صريخ وصويط والناس بقت تدوس علي بعض سايبين وراهم بيوتهم وفلوسهم وحالهم كله، هدفهم بس كله ينجا بحياته ويلا يا نفسي ياروح ما بعدك روح، طبعا كانت مأساة وهلع وفاجعة شديدة. ودخل الصليبيين دمياط يوم 6 يونية سنة 12...

  (2) عاش "بيبرس البندقداري" كواحد من أهم وأقوي قواد فرق جيش "الملك الصالح نجم الدين أيوب" ملك مصر والشام، واللي يعتبر أقوي سلطان أيوبي من بعد جده "صلاح الدين الأيوبي". "صلاح الدين" صاحب معركة من أشهر معارك الاسلام وهي معركة حطين ومحرر بيت المقدس. جه ابن أخوه "السلطان الكامل الايوبي" ومرجع بيت المقدس تاني للصليبيين في واحدة من المعاهدات اللي حصلت بين "الكامل" والصليبيين". لما تقلد "الملك الصالح نجم الدين أيوب بن الملك الكامل" حكم مصر، كان أول هدف في حياته أنه يرجع تاني بيت المقدس من أيد الصليبيين. قال "الصفدي" في كتابه الوافي بالوفيات يوصف "الملك الصالح نجم الدين أيوب": " كان الملك الصالح ملكًا مهيبًا جبارًا ذا سطوة وجلالة، وكان فصيحًا، حسن المحاورة، عفيفًا عن الفواحش". ووصفه "أسماعيل أبو الفدا" في كتابه المختصر في أخبار البشر وقال: " كان مهيبًا عالى الهمة، عفيفًا طاهر اللسان والذيل، شديد الوقار، كثير الصمت، وجمع من المماليك الترك ما لم يجتمع لغيره من أهل بيته، حتى كا...

  (1) "جزيرة الورد" قبل ما يبقي أسمها "المنصورة" سنة 647 هجرية/ 1249ميلادي. في واحدة من بيوت جزيرة الورد، واقف "بيبرس البندقداري" بوضع الاستعداد وفي أيده سيفه، وعينه علي الشارع مستني اللحظة المناسبة، يدي فيها أشارة الهجوم لجنوده من المماليك، عشان يهجموا علي جنود الجيش الصليبي، اللي داخلين المصيدة ومش مدين خوانة وفاكرين أن المدينة فاضية وأهلها هربوا زي ما أهل دمياط هربوا منهم من كام يوم. "بيبرس" وجيش المماليك اللي تحت قيادته فضلوا مستخبيين كتير علي ما الصليبيين خدوا ؤاحتهم ع الآخر وخلعوا أسلحتهم وفيهم اللي ريح ونام. وهو واقف كده وعينيه الزرقا صاحية زي الصقر وعضلاته مستعدة للأنقضاض زي الفهد، مر في عقله شريط ذكرياته من يوم ما أتحول من انسان حر لعبد ومن بعدها لمملوك، لحد ما وصل وأصبح قائد جيش المماليك في مصر في قلب خطة محكمة حطها بنفسه ونفذها وأتسمت بعد كدة بخطة "مصيدة المنصورة".  في سنة 640 هجرية/ 1242 ميلادية، هجم المغول علي بلاد القفجاق اللي كانت عبارة عن  تحالف من  القبائل التركية وتوسعت وعاشت في بلاد روسيا والصين ومنغوليا وكازاخستان. و...

#مسابقة_سماوي_لأفضل_مقال_نقدي ريفيو بقلم: مروة طلعت عن رواية "حكاية فرح"  أنتهيت من قراءة رواية "حكاية فرح" للروائي الكبير "عز الدين شكري فشير" في طبعتها الثانية الصادرة من دار الشروق بعدد صفحات 333 صفحة. "حكاية فرح" لم تكن حكاية ل"فرح" فحسب، بل هي حكاية كثير من الفتيات المصريات. أثناء قراءتي للرواية كنت أتوقف كثيرا لأتساءل كيف عرف الكاتب تلك التفاصيل الدقيقة عن حياة النساء ومشاعرهن. أهوي قراءة تلك الروايات التي تمس جانب من جوانب الحياة الاجتماعية، ولكن تلك الرواية مست شئ مختلف تماما، أقتحمت غرفة موصدة منسية في تلافيف عقلي، وأكاد أن أجزم أن غالبية فتيات جيلي أو الجيل الأسبق هن "فرح" بشكل أو بآخر. "حكاية فرح" أسم علي غير مسمي، "فرح" لم تعرف للفرح معني. "فرح بنت زينب بنت زينات" تعددت الأسماء وتعددت الأجيال ولكن النسخة واحدة. "فرح" مجرد أستنساخ مشوه حاولت التمرد والخروج من القالب فكانت النتيجة أصبحت مشوهة ضائعة، وبرغم ذلك أستطاعت النجاة  بأبنتها علي عكس ما كانت تظن. "حكاية فرح" هي...

  فاكرين فيلم "أخر الرجال المحترمين" بطولة الفنان العظيم "نور الشريف" رحمة الله عليه، الفيلم اللي أتسبب في أني عمري ما طلعت رحلة مدرسية في حياتي. طب فاكر ازاي أستاذ "فرجاني" قدر يعرف "نسمة" البنت اللي أتخطفت من الرحلة مكانها فين؟. أيوه طبعا فاكر ما هو فيلم علامة في جيلنا الحقيقة، هو لقي فستانها لبساه بنت في مقلب الزبالة - أعزكم الله - الرئيسي للقاهرة الكبري. أحنا بقي حكايتنا عن المقلب ده أصله له حكاية عمرها 600 سنة. كان يا مكان في سالف العصر والأوان كان فيه مشكلة بتواجه المصريين كل ما تحصل أمطار غزيرة أو سيول، كانت مياة السيل دي بتتجمع وبتنزل بغزارة شديدة من فوق المقط علي القاهرة. ساعتها الخليفة الفاطمي "الحاكم بأمر الله"،  واللي حكم من  19 أكتوبر 996 م  الي 19 فبراير 1021م،    فكر في حل للمشكلة اللي بتغرق عاصمته القاهرة مع كل سيل. أمر "الحاكم بأمر الله" بتجميع الرمل والأتربة والحجارة من كل مكان بكميات كبيرة جدا، وتشكيلهم علي شكل كذا كومة عالية وضخمة في الناحية الشرقية من أبواب القاهرة بينها وبين المقطم في منطقة أسمها البرقية ...