عايمة في بحر الكتب

  (6)  في ربيع الأول سنة 87 هجري 705 ميلادي، بيوصل لأهل المدينة المنورة خبر سعيد جدا. أمير المؤمنين "الوليد بن عبد الملك"، عين الأمير "عمر بن عبد العزيز" والي علي المدينة. ومين في المدينة المنورة ميعرفش "عمر" الطفل اللي اتربي وعاش بينهم، ومين في المدينة المنورة ميحبش "عمر" الشاب التقي الورع صاحب الأخلاق النبيلة وصاحب العقل المتزن والفكر السليم. وبعد المعاناة والذل اللي شافوه علي ايد "هشام بن اسماعيل المخزومي"، أهل المدينة فرحوا جدا بالخبر واستبشروا خير بالأيام القادمة. دخل "عمر بن عبد العزيز" المدينة المنورة، وأستقبله أهلها بالفرحة والتكبير، لأول مرة يجي عليهم والي منهم وراضيين عنه، حسن السيرة والسلوك. فرحة أهل المدينة كانت تعبير عن الأمل اللي ملا صدورهم في أن الجاي هيكون أحسن، بعيد عن الظلم والدم اللي عاشوا فيه سنين.  بعد ما سلم "عمر" علي الناس اللي جتله مرحبين ومهنيين، دخل المسجد النبوي وصلي بالناس. بعد الصلاة قعد وسط الناس اللي كانت مستنية كلمته يشوفوا فيها مستقبلهم هيكون ازاي. قعد "عمر" وطلب بالأسم عشر

(5) توفي "عبد العزيز بن مروان" والي مصر - من أعدل الولاة اللي مروا علي مصر - سنة 85 هجرية. وحزن عليه أخوه أمير المؤمنين "عبد الملك بن مروان" حزن شديد لسببين. أول سبب أنه أخوه وكانوا محبين ومقربين لبعضهم. تاني سبب أنه لما الشيطان لعب براس "عبد الملك" - المتمثل في الحجاج بن يوسف الثقفي اللي هيأله الفكرة بالاتفاق مع الوليد - وحب يشيل أخوه من ولاية العهد ويديها لابنه "الوليد"، ورد عليه "عبد العزيز" أول مرة بالرفض، ففي لحظة طيران عقله من الغضب دعي علي أخوه بالهلاك، ورغم أنهم اتصالحوا و"عبد الملك" اعتذر لأخوه، الا ان موت "عبد العزيز" بعدها علي طول، سبب ل "عبد الملك" عذاب ضمير كبير. بصراحة علاقتهم كانت العلاقة الأخوية الوحيدة النضيفة في دهاليز قصور الخلفاء، أو يمكن القدر هو اللي كملها علي خير. بعد موت "عبد العزيز بن مروان" بكام شهر، بيمرض أمير المؤمنين "عبد الملك بن مروان" مرض شديد، وكان كل يوم حالته بتسوء أكتر. وعلي فراش المرض بترجع ذاكرة "عبد الملك" بكل الحوادث والفظائع اللي عملها ت

(4) لما أستدعي أمير المؤمنين "مروان بن الحكم" إبنه "عبد العزيز بن مروان" من المدينة المنورة عشان يبقي علي راس الجيش المتجه لمصر، لجل ما يلم تاني البلاد الاسلامية تحت راية واحدة وهو الحكم الأموي، بعد سنين طويلة من صراعات الحكم والخلافة من أيام "عثمان بن عفان" رضي الله عنه مرورا ب "علي بن أبي طالب" كرم الله وجهه والفتنة الكبري. ومن ولاية "معاوية بن أبي سفيان" والبلاد الاسلامية مشتعلة بين المسلمين ومليانة انشقاقات وثورات وحروب ونزاعات. كل طرف شايف أنه الأحق بالخلافة، وفيه أطراف داخلة الصراع تدافع عن حق حد تاني. من أشهرهم في الوقت ده كانت ثورة "عبد الله بن الزبير بن العوام" رضي الله عنه واللي عملها بسبب الثأر لمقتل سيدنا "الحسين" رضي الله عنه وأرضاه حفيد رسول الله صلي الله عليه وسلم في كربلاء علي يد الأمويين. "عبد الله بن الزبير" رضي الله عنه وأرضاه كان أول مولود للمهاجرين في المدينة المنورة. أمه السيدة "أسماء بنت أبي بكر" ذات النطاقين، كانت حامل فيه في أواخر أيام الحمل، وهي يوميا بتروح وتيجي بالأكل و

من أحب الناس الي قلب الطفل الصغير "عمر بن عبد العزيز" من وقت ما فتحت عينيه علي الدنيا كان خاله "عبد الله بن عمر بن الخطاب" رضي الله عنه وعن أبيه - هو يبقي عم أمه بس عشان هو من فرع الأم فيتقاله خال - و"عبد الله بن عمر" كان من صحابة رسول الله صلي الله عليه وسلم، لأنه أسلم مع أبوه "عمر بن الخطاب" وكان لسه صغير، فتربي وكبر حوالين الرسول صلي الله عليه وسلم، حتي أنه هاجر مع المسلمين الأوائل، وحارب مع الرسول صلي الله عليه وسلم في غزوة الخندق وهو ابن 15 سنة، وعاصر كل الأحداث المصيرية المهمة في حياة رسول الله صلي الله عليه وسلم زي بيعة الشجرة وفتح مكة وغزوة مؤتة. فوق ده كله كان من الجيل الأول اللي سمعوا الأحاديث من فم رسول الله صلي الله عليه وسلم مباشرة، فكان هو مصدر أساسي وأصلي  لطلاب علم الأحاديث وجامعي الحديث، وفقيه ومفتي لأهل المدينة وطلاب العلم لعشرته الكبيرة لرسول الله صلي الله عليه وسلم، وحرصه علي تقليد كل تصرفاته وأفعاله، وكمان كان مشهور عنه الكرم والسخاء في الصدقات والزهد في الدنيا وما عليها. تخيل بقي أن الراجل ده هو اللي ربي "عمر بن عبد الع

 في يوم صحي الفاروق أمير المؤمنين "عمر بن الخطاب" رضي الله عنه من النوم مندهش من رؤيا شافها في منامه، والغريب أن الرؤيا دي أتكررت كتير بنفس تفاصيلها. فلما راح المسجد النبوي وأجتمع بأصحاب رسول الله صلي الله عليه وسلم، حكالهم الرؤيا وبعدها قال: " ليت شعري من ذو الشين من ولدي الذي يملؤها عدلاً كما مُلئت جوراً؟". والشين معناها علامة في الوجه. وكل ما حد كان يسأل "عمر بن الخطاب" رضي الله عنه عن رؤياه، كان يرد ويقول: " إن من ولدي رجلاً بوجهه أثر يملأ الأرض عدلاً". وفي يوم كترت شكاوي الناس للفاروق "عمر بن الخطاب" من بائعي اللبن، أنهم بيغشوا اللبن وبيزودوه مية عشان يكتر ويبيعوا أكتر علي حساب جودة اللبن وغش الناس. فبعت "عمر بن الخطاب" رضي الله عنه، المنادي - مراسل الأخبار أيامهم - ينادي ويلف بالأسواق والشوارع وبين البيوت، يحذر بائعي اللبن من خلط اللبن بالماء وإلا "عمر" هيعاقبه عقاب شديد. وبالليل خرج الفاروق "عمر بن الخطاب" رضي الله عنه كالعادة يمشي في الشوارع متخفي مع خادمه والناس في بيوتها، عشان يعرف أخبار الرعية من

  دمشق سنة 101 هجري - 720 ميلادي. واحد من عبيد "عمر بن العزيز" ماشي بصينية علي كوبين من شراب رايح  بيهم للغرفة اللي قاعد فيها سيده مع ضيفه. اللي يشوفه وهو ماشي هيحس أنه ماشي مضطرب، مقدم رجل وبيأخر رجل، جواه صراع كبير مابين أنه يدخل الغرفة أو يرجع تاني، لكن كان عارف كويس أنه لو رجع مش هيطلع عليه نهار، هيخسر حياته وفوقيها فرصة بالعتق و1000 دينار.  بعد فترة كبيرة من التردد ما بين الخوف والأسي، بيدخل الغلام يقدم الشراب لسيده أمير المؤمنين "عمر بن عبد العزيز"، وبحركة سريعة بخفة يد بيرمي حاجة في كاس الشراب كان مخبيها تحت ضفره. ياخد أمير المؤمنين كاس الشراب من غلامه ويسمي الله ويشرب ومكمل كلامه مع ضيفه، وبعد كام رشفة يسكت فجأة ويبص لغلامه بصة عميقة. يضطرب بسببها الغلام أكتر ويتحجج ويخرج بسرعة من الغرفة.   فجأة في نفس الليلة بيمرض أمير المؤمنين "عمر بن عبد العزيز" وحرارته بتعلا، وبيحضر الطبيب، لكن دواه مبيجيبش مفعول. فسأل "عمر بن عبد العزيز" واحد من المقربين ليه: " ما يقول الناس في"؟ الناس يعني لما عرفت بمرضي قال ايه، قاله : "يقولون إنك مس

  من وقت ظهور السوشيال ميديا وجروبات القراءة والمثقفين، وفيه معركة دائمة دايرة حول علي مين اللي يستحق نطلق عليه لقب المثقف، وهل قارئ الرواية يعتبر مثقف ولا لا. وناس نصبت نفسها حكام علي منصة وهمية، تتهم قارئ القصص أو الروايات بالسطحية والسخافة وادعاء الثقافة. أفتكر في أول دخولي عالم الكتابة علي السوشيال ميديا، كنت بكتب تعليقي وتحليلي للروايات التي كنت بقرأها وأنزلها علي عدد من صفحات القراءة، وصادفت نزلت مرة المقالة علي جروب من نوعية الحكام اياهم دول، وقابلت كومة من التعليقات السلبية والهجومية وكلها قايمة علي فكرة يا مدعية الثقافة يا جاهلة يابتاعة الروايات، نادر لما لقيت تعليق أو اتنين أتكلم عن أسلوبي في الكتابة أو تحليلي للرواية.  النهاردة جاية أقولك بشكل توضيحي كده صغير علي أدي، هي ايه فايدة القصص والروايات. هوضحها وأدي مثال علي التاريخ، سامعاك بتقول ايه اللي جاب الروايات للتاريخ، ماهو التاريخ ياصديقي عبارة عن قصة أو حكايةـ هو أنت كنت عاصرت سليمان الحلبي وهو بيقتل كليبر ولا عاصرت محمد علي وهو بيخلص ع المماليك ولا عاصرت الملك تحتمس التالت في معركة مجدو، أنت بتسمع حكاياتهم وقصصهم، ايش عر