عايمة في بحر الكتب

ربنا يكفيك ثورة الجياع. أو زي ما نجيب محفوظ سماها ثورة الحرافيش. الكلام ده بيحصل لما العدل بينمحي من البلاد، والكبير ياكل الغلبان، ومع زياده الضغط بيولد الانفجار، والانفجار ده مبيبقاش سلمية زي اللي شوفته قبل كده، نو نو ابسلوتلي، ده بيبقي ... أحم ماتيجي نشوف. مصر سنة ٢٢٨٠ ق.م في عهد الأسرة السادسة في الدولة القديمة. _ سيداتي سادتي في موقع الحدث وعلي خلفية الأحداث المتصاعده معانا "ايبور ور"، اللي واضح من همومه المقطعة والعلقة اللي باينة علي وشه أنه كان من أحد رجال الحكم. سيد "ايبور" من فضلك احكيلنا اللي حصل بالتفصيل. "ايبور" يمسح الدم اللي نازل من راسه ويبص يمين وشمال في خوف. _ بين يوم وليلة حصلت احداث غريبة اول مرة نسمع عنها في التاريخ كله. _ ايوه ايه اللي حصل يا فندم وضح. _ مجموعة من الغوغاء قاموا بخلع الملك. _ خلعوه ازاي يافندم هو مسمار. _ دول اقتحموا قصر الحكم وخدوه هيلا بيلا علي برا٬ ومش بس كده دول اقتحموا المقابر والاهرامات وانتهكوا حرمة الملوك الاموات وبعثروا اشلاؤهم وسرقوا ونهبوا كل شئ جه في سكتهم. وانقلب حال البلد في لحظة وبقت البلد مليانة بالبلطجية

 القاهرة مشهورة بمآذنها واشتهرت بمدينة الألف مئذنة، فيها جوامع ومساجد ومآذن تحكي حكايات وتاريخ طويل، فيه منها حكايات ليها العجب، وحكايات تحير، وحكايات مشرفة.  لو انت ماشي في ميدان القلعة اخر شارع محمد علي كده، لازم هتقف انبهار قصاد جامعين جنب بعض، واحد فيهم هو جامع ومدرسة السلطان حسن والتاني جامع الرفاعي. لكن اللي هيلفت نظرك اكتر هو جامع السلطان حسن هتحس بانبهار لعظمة وشموخ البناء. اول ماشفت جمال الجامع  من حيث الحرفية في البناء والذوق والفن الراقي افتكرت كلام  المستشرق الفرنسي " جاستون فييت"  عن هذا الأثر الخالد: "هذا الجامع هو الوحيد بين جوامع القاهرة الذي يجمع بين قوة البناء وعظمته، ورقة الزخرفة وجمالها، وأثره قوي في نفوسنا؛ إذ له خصائصه التي لا يشترك معه فيها غيره"، ويقول "جومار" احد علماء الحملة الفرنسية في كتاب وصف مصر: "إنه من أجمل مباني القاهرة والإسلام، ويستحق أن يكون في الرتبة الأولى من مراتب العمارة العربية بفضل قبته العالية، وارتفاع مئذنتيه، وعظم اتساعه وفخامة وكثرة زخارفه". الانبهار الخارجي بالعمارة شئ والداخلي شئ اخر، لما دخلت الجام

مصر دائما مليانة بالخير... مليانة بالكنوز... وأعظم كنز فيها هم ولادها، أهل مصر اللي جزاهم الخير وجواهم قوة كبيرة ومواهب عظيمة مش حاسين بيها، وللأسف حتي مش مقدرين قيمتهم.  حكاية النهاردة حكاية ست مصنوعة من الإنسانية... فنانة تري العالم بمشاعر مرفهة... محبة البساطة والجمال... روح طيبة عدت من هنا فجرت بانسانيتها وفنها القوة والموهبة المدفونة في قلب أهل قرية صغيرة في محافظة الفيوم. "إيفيلين بوريه" في ستينات القرن الماضي جت بنت سويسرية خريجة فنون تطبيقية من جامعة جنيف مع والدها لمصر في شغل. اتعرفت علي الشاعر "سيد حجاب" وربط بينهم الحب واتكللت بالزواج. لكن "إيفيلين" بحسها المرهف كانت كارهه زحام القاهرة وحاسة أنها خنقاها لدرجة فكرت انها تمشي وترجع بلدها. حاول "سيد حجاب" يهيألها الجو اللي ترتاح فيه، وفي سنة ١٩٦٥م سمع عن قرية جميلة في محافظة الفيوم اسمها "قرية تونس". وسافرت "إيفيلين" لقرية تونس الواقعة على بعد 60 كيلو متر من مدينة الفيوم، وأكثر من 100 كيلو متر من القاهرة، وعلى ضفاف بحيرة قارون، وقريبة من شلالات وادي الريان بمركز يوسف ا

_ هي الدنيا جري فيها ايه. _ مالك؟. _ هي الناس ليه بقت وحشة اوي كده؟. _ ايه اللي حصل ؟ ومتردش السؤال بسؤال. _ واحد قريبي كان ليه صاحب قريب منه اوي لدرجة انهم زي الاخوات واكتر من عشرين سنة٬ وفجأة قريبي اترفد من شغله واكتشف ان صاحبه واخوه ده هو السبب٬ طيره وأذاه لما حس ان قريبي العقبة اللي قصاده في انه يوصل لكرسي الادارة. _ لا حول ولا قوة الا بالله. ربنا يعوض عليه. _ يعوض عليه لقمه عيشه ولا يعوض عليه صدمته وجرحه من اعز الناس. _ ماهو لو قريبك فهم واتعلم من الماضي واللي كان مكنش زعل وكان حرص ولا خونش. _ ماضي ايه. _ الدنيا طول عمرها كده٬ الغدر فيها والطمع والخيانة. من ايام قابيل لما غدر بأخوه هابيل٬ والخديوي اسماعيل لما غدر ب اسماعيل صديق المفتش٬ وهارون الرشيد لما غدر ب جعفر البرمكي٬ وجمال عبد الناصر لما غدر ب عبد الحكيم عامر. كل العلاقات دي كانت صداقة واخوية وانتهت بالغدر. _ طب قابيل وهابيل٬ وعبد الناصر وعبد الحكيم عارفينهم مين بقي اسماعيل صديق ده. استني كده انا فاكر الاسم ده٬ مش ده اسامة عباس في مسلسل بوابة الحلواني. _ ايوه صح اتلعب دوره في مسلسل بوابة الحلواني. _ ياعم ده كان مفتري. _ هو ا

 لكل زوج مقبل علي الزواج الثاني، خليك معانا هنا لحظه، واسمع واتعظ، احنا ميهمناش حاجة الا مصلحتك. تعالي كده، قعدت.. تمام. حكوا زمان ان كان فيه ست طيبة متجوزة بقالها سنين وربنا ما رزقهاش بالذرية، ولما شافت جوزها حزين ونفسه في طفل، راحتله وقالتله بكل طيبة وكسرة نفس روح اتجوز اللي تقدر تجيبلك الابن اللي نفسك فيه، وعشان هي ست طيبة جوزها رفض عشان عشرتها الحلوة وميكسرش بخاطرها، لكن الست فضلت تزن وتلح عليه عشان عاوزه تفرحه، لحد مافي يوم وافق بشرط يدور علي عروسة غريبة عن بلدهم ومن بلد بعيدة عنهم، فوافقت مراته وخرج زوجها يدور علي العروسة المناسبة. لكن الزوج كان قاصد يعلم زوجته درس ويعلم كل الازواج برده. راح جايب جرة ميه _ زير يعني _ وملبسه فستان وطرحه وعمل انها هي دي عروسته.  ورجع الراجل الطيب بالجرة علي البيت بالليل ودخل بيه أوده تانية، وهي فهمت انه خلاص اتجوزت. جه الصبح الراجل خرج علي شغله ورجع اخر اليوم، لقي مراته قاعده قصاد الباب بتعيط بحرقة. مالك ياستي فيه ايه حصل؟ قالتله مراتك الجديدة اتخانقت معايا وضربتني. قالها متزعليش انا هربيها، وراح جايب الشومة ودخل الاوده ونزل ع الجرة قصادها فكسرها ح

انتهيت من قراءة رواية "حكاية الأشبوني" للكاتب "ابراهيم أحمد عيسي" في طبعتها الأولي الصادرة عن دار كتوبيا بعدد صفحات ۲٥۲ صفحة. مرة اخري يشدو الكاتب بحكاية من حكايات المنسيين في الأندلس اذ أن "الأشبوني" تعتبر الجزء الثاني من رواية  البشرات  التي سبق وتحدثنا عنها هنا. إسلوب كتابة " الأشبوني" سلس بسيط بلغته الفصحي٬ أبسط من طريقة كتابة الرائعة رواية  باري . تدور الرواية حول ما بعد سقوط الأندلس وضياع الحضارة الإسلامية علي يد غوغاء  أسبانيا٬ تعتبر حالة رثاء شديده القتامة علي ملك ضاع وحق مسلوب. يظهر فيها معني الارهاب الحقيقي والوجه الفاجر لكلمة قمع وعنصرية٬ عندما تم أرغام المسلمين علي ترك دينهم وتنصيرهم حتي يتسني لهم العيش في أرضهم وأملاكهم٬ تم خلع المسلمين من تاريخهم والردم علي حضارة الأندلس التي كانت منارة أوروبا والعالم علي مدار ٧ قرون.  تظهر الرواية ومن قبلها رواية "البشرات" كيف وصل الحال لتسمية المسلمين باسم الموريسكين أي المسيحين الجدد٬ والنظر اليهم كفئة حقيرة دونية٬ ومراقبة انفاسهم لدرجة اجبارهم بفتح ابواب بيوتهم للمراقبة العلنية ومن يتم

ادينا بندردش ورانا ايه. نحكي ونفرفش ورانا ايه. ومنين يا بلدينا وبلدكوا وين. أحسن ناااااااس. - مدام داليدا welcome to Egypt. - ميرسي هبيبي. مصر وهشتني كتير. - نورتي مصر. - مصر منورة بأهلها الطيبين. اللي عشت معاهم أهلا سنين. - لسه فاكرة أيامك في القاهرة. - طبعا! مقدرش انسي مصر وشبرا وجيراني ومدرستي واصحابي فيها. - جميلة شبرا. - جميلة جدا، ناسها طيبين وبينهم دفا وهب وود مشوفتوش تاني في اي بلد في العالم. - طب انتي عارفة يامدام داليدا ان شبرا دي اصلها كانت جزيرة في النيل زي جزيرة الوراق كده، وكانت اسمها جزيرة الفيل. - ايه ده بجد؟! ازاي Please, tell me. - شبرا زمان مكنش ليها وجود علي الخريطة ولا هي تبع القاهرة مجرد جزيره صغيرة مهجورة علي النيل لحد القرن ال 13 الميلادي، واللي حصل أن الجزيرة دي بالعوامل الطبيعية وترسبات طمي النيل _ أيام ما كان فيه طمي قبل السد العالي ما يحجبه _ بدأت جزيرة الفيل دي تلتحم بالأرض وعملتلها مكان جديد أشبه بالضاحية أيام الفاطميين تقريبا. ومن هنا اطلق الناس علي المكان الجديد ده اسم "شبرو" وهي كلمة قبطية معناها الكوم أو التل. ومع مرور الزمن وانحراف لسان المص