عايمة في بحر الكتب

قال رسول الله صلي الله عليه وسلم: "عجب الله من قوم يقادون إلي الجنة بسلاسل". أهو الحديث ده يشبه اللي حصل مع "صلاح الدين الأيوبي" بالظبط. ف"صلاح الدين" بعد حصار الاسكندرية واللي حصل فيها، وخروج الجيش الاسلامي من مصر للمرة التانية، قال لعمه "أسد الدين شيركوه": "والله لو أعطيت ملك مصر ما سرت إليها، فلقد قاسيت بالإسكندرية وغيرها ما لا أنساه أبدا". "صلاح الدين" في الوقت ده كان عنده 30 سنة تقريبا، وعمه "شيركوه" كان شيخ كبير فوق ال 60 أو أكبر. كان رأي "صلاح الدين" هو منشتتش الجيش في الصراع في كذا اتجاه كفاية الحروب ضد الصليبيين في الشام واسترداد الولايات الشامية منهم، زي ماهم ماشيين عشان ميضعفش قوة الجيش، صاحب بالين كداب يعني، ده غير ان مصر بحورها كبيرة والسياسة الفاطمية خبيثة حتي لو كانت بتحتضر، يبقي ليه ندخل نفسنا في ضغوطات زيادة تتعب الكاهل الزنكي حاليا. لكن "أسد الدين شيركوه" كان متفوق علي ذكاء "صلاح الدين" ورؤيته بحاجة مهمة أوي وهي الخبرة. راجل كبير محنك، الدنيا أخدته يمين وشمال، تعلب عجوز

أهالينا زمان مكنوش يحبوا حد غريب يدخل البيت ويكشفه أو يلف فيه. كانوا يقولوا الغريب مايكشفش عورات الدار. يعني مينفعش يشوف مميزات أو عيوب البيت ولا عينه تلقط خير البيت ولا فقره. عشان متظهرش أطماع أو أحقاد أو حتي حسد، ده غير السيرة اللي هتبقي علي كل لسان. ويظهر ان "شاور" و "ضرغام" غابت عنهم حكمة ستي دي. فلما دخلت جيوش "عموري الصليبي" ملك بيت المقدس وجيش "نور الدين محمود" بقيادة "أسد الدين شيركوه" مصر. ولفوا جوا البلد، ظهرلهم أن البلد دي كنز كبير، وموقع استراتيجي خطير، والكنز ده خسارة في الدولة الفاطمية اللي أصلا بتحتضر. حفظوا مدنها ومسالكها، وعرفوا نقاط القوة والضعف، واترسمت أحلام السيطرة علي مصر في دماغ "عاموري" و "شيركوه".  بعد حملة "أسد الدين شيركوه" علي مصر الأولي ما إنتهت بإتفاقه مع "عاموري الصليبي" بالإنسحاب المزدوج من مصر سنة 1164م، وخرج الجيشين من مصر. ولمزيد من الفهم والمتابعة اقرا الجزء الأول https://www.facebook.com/100149945682155/posts/201248578905624/ والجزء الثاني https://www.facebook.

  "أسد الدين شيركوه"، إسم علي مسمي. كان رجل من نوع خاص، قائد عسكري محنك، شديد الذكاء وواسع الحيلة، قوي الشكيمة وحازم وده اللي إداله كاريزما عالية وهيبة ترهب منه الأعداء. منه اتعلم "صلاح الدين يوسف الأيوبي" فنون الحرب والفروسية والتخطيط والقيادة.  في عز ما الأيام مشتعلة بين الجيش الزنكي، تحت قيادة السلطان "نور الدين محمود"، والصليبيين. جاء الي دمشق وزير الدولة الفاطمية في مصر"شاور بن مجير السعدي" يستنجد بالسلطان "نور الدين محمود"، ويطلب منه يرجعله منصبه وملكه اللي أخده منه "ضرغام بن عامر اللخمي" مقابل تمويل حملة الجيش اللي هيخرج معاه ووعد بإعطاء السلطان "نور الدين محمود" تلت الخراج السنوي. و لمزيد من الفهم والمتابعة اقرا الجزء الأول https://www.facebook.com/100149945682155/posts/201248578905624/ والجزء الثاني https://www.facebook.com/100149945682155/posts/201476582216157/ والجزء الثالث https://www.facebook.com/100149945682155/posts/201976228832859/ والجزء الرابع https://www.facebook.com/100149945682155/posts/pfbid05qM

لم تشهد الشام سلطان بقوة وعظمة وعدل السلطان "نور الدين محمود بن عماد الدين زنكي". لدرجة ان كتاب التاريخ لقبوه بإسم سادس الخلفاء الراشدين. ولولا السلطان "نور الدين" مكنش هيبقي فيه "صلاح الدين". فالسلطان "نور الدين محمود" هو اللي مهد الطريق ل "صلاح الدين" اولا يبقي سلطان ثانيا يقدر يحقق الحلم ويحرر القدس. لمزيد من الفهم والمتابعة اقرا الجزء الأول 👇 https://www.facebook.com/100149945682155/posts/pfbid0nGQscZUsrXYCv1jMbaPE24vnvrdAi6sSoTuQDHH9ZpPAV9mXASTSGRNyptrxBBC6l/ والجزء الثاني 👇 https://www.facebook.com/100149945682155/posts/pfbid01AW8jHxLTThpqmRXCisQKpxm8mosF4zThKPdcEgCw7MX2mt91QKHc7dvWXXRURG5l/ والجزء الثالث 👇 https://www.facebook.com/100149945682155/posts/pfbid032D7VFL2vqSziw6aFPnwSv2moYe5wKfcnN1XxeoBi4DmH99737aJm96qXQYQCdHBil/ دلوقتي احنا في سنة 1163م. والأمور ما بين الصليبيين والسلطان "نور الدين محمود" متوترة والاحداث مشتعلة. وكإننا جوا لعبة شطرنج، كل واحد بيقيم خصمه ويحسب خطواته المستقبلية. كان فيه رقعة حلوة أوي ومهم

 عنده 11 سنة سايب "بعلبك" المدينة اللي كبر واتربي فيها. وانتقل مع والده "نجم الدين أيوب" و عمه "أسد الدين شيركوه" وأسرته، لحياة جديدة في "دمشق". وفي "دمشق" ابتدي فصل جديد في حياة "صلاح الدين" لكنه كان الاساس اللي عاش بيه حياته كلها. فاذا كان "صلاح الدين" اتربي علي ايد جنود جيش "عماد الدين زنكي" في "بعلبك"، فهو اتربي واتعلم علي في "دمشق" علي ايد البطل السلطان "نور الدين محمود بن عماد الدين زنكي" بذات نفسه. يرجي مراجعة الجزء الاول 👇 https://www.facebook.com/100149945682155/posts/pfbid0mxigiw5RaLjcRvKh6U3oBYKYqpCcJLgwxPm6aL8pnQT7Ep3JJNDGm56KtTVuMMAnl/ والجزء التاني 👇 https://www.facebook.com/100149945682155/posts/pfbid01LmUQK8616c4dBxk76MgDiMQwChP5vf2oAbkaXsTayjEptKt3HD8WjSKSvssa2C6l/ في الوقت ده كانت "دمشق" هي قبلة العلم. فيها الجامع الأموي اللي بناه الخليفة "الوليد بن عبد الملك بن مروان الأموي"، واللي يعتبر رابع أشهر المساجد الاسلامية بعد الكعبة والمسجد الن

 قالوا في الامثال من قدم السبت يلقى الحد قدامه ومن خدم الناس صار الناس خدامه، وده اللي حصل مع "نجم الدين أيوب". خرج "نجم الدين أيوب" و أخوه "أسد الدين شيركوه" بعائلاتهم و أتباعهم من "تكريت"، في ليلة من ليالي سنة 1137م. وكانت دي نفس الليلة اللي اتولد فيها "صلاح الدين يوسف بن نجم الدين أيوب". ولمزيد من التفاصيل هنا 👇 https://www.facebook.com/100149945682155/posts/pfbid02qgWswEyXF7tESYfd7jkRnHjCpM9SQeie2Sab8D68wE2FfW5a3NmGER8ayE8mgL5ql/ كان غرضهم بعد الخروج هو السفر لحد "بغداد"، في محاولة عمل حياة جديدة في مقر الخلافة العباسية. لكنهم قبل الوصول ل "بغداد" لقوا نفسهم قصاد أبواب "الموصل". أيوة صح كده "الموصل" اللي حاكمها "عماد الدين زنكي". دخل "نجم الدين أيوب" "الموصل"، يجرب حظه يمكن يكون "عماد الدين زنكي" لسه فاكر معروفه. وقد كان، طلع صاين المعروف وابن أصول، فأول ما سمع "عماد الدين زنكي" ان "نجم الدين أيوب" في مدينته، فتحله أبواب قصره وقابله

_ مين فيكم يا ولاد يعرف مين اللي حرر القدس؟. _ انا ياميس انا ياميس. _قول يا كريم. _ صلاح الدين الأيوبي ياميس. _ برافو كريم. طب مين يعرف حررها في معركة ايه؟. _انا يا ميس انا يا ميس. _قولي يا هالة. _ معركة حطين يا ميس. _ برافو هالة. طيب مين يعرف اسم صلاح الدين بالكامل ايه؟. _ انا يا ميس انا يا ميس. _ قول يا عمر. _ صلاح الدين يوسف بن نجم الدين أيوب. _برافو عمر. طيب مين يعرف صلاح الدين اتولد امتي وفين؟. _ صوت صرصور الحقل. _ طب بلاش ده مين يعرف صلاح الدين أصل عائلته منين. _نفس صوت صرصور الحقل. _ ع العموم من قال لا أعلم فقد أفتي. نقعد شاطرين ساكتين هادينا من غير شقاوة زي صلاح الدين ماكان وهو في سنكوا. ونسمع حكاية محرر القدس العظيم "صلاح الدين الأيوبي". عيلة كردية، والأكراد هم شعوب من شمال العراق وجنوب شرق الأناضول بتركيا جنب جبال زاغروس في منطقة  كُرْدِسْتَانِ بآسيا. كانوا عايشين في قرية اسمها "دوين" أقصي حدود "أذربيجان" في آسيا، وبالتحديد من قبيلة "الروادية"، اللي تعتبر من أكبر وأشرف القبائل الكردية. ودي لأنها القبيلة الوحيدة تقريبا اللي متعرضش فيهم ح

فيه أسئلة جاتني كتير علي رسائل الصفحة بتسالني أنا مين ومنين ودراستي ايه وغيرها. وبما أن النهاردة عيد ميلادي. فهعتبره يوم لنشر بطاقة تعارف، لاني مبحبش ارد علي أسئلة من النوع ده في الخاص. وجيت هنا اعرفكم بيا لو تسمحولي. -الاسم: مروة طلعت _السن: النهاردة هقفل ٣٨ سنة. علي رأي عبعال😂. مواليد ١٩٨٤م _محل الميلاد والإقامة والهوية والمنتمي: شبرا مصر _ القاهرة. شبراوية وافتخر ❤️  _المؤهل: خريجة تربية لغة إنجليزية عين شمس. _الوظيفة: مدرسة لغة إنجليزية. سهلة اهي 🤷😂 _الهواية: اصدعكوا بمقالاتي 😂😂 _اهم سؤال بقي بيجيني ليه اسم عايمة في بحر الكتب؟؟ الموضوع كان مجرد هزار مع صديقتي وبنت اخويا لما اقترحوا عليا اني اكتب ريفيوهات عن الروايات والكتب اللي بقراها. لانهم عارفين اني كنت كاتبة قصص كويسة نوعا ما زمان ايام ما كنت في ثانوي.  وكانت البداية في أيام حظر الكورونا في ٢٠٢٠م مجرد تسلية، بقرا الكتب زي منا بس بعدها اكتب عنه ريفيو في صفحتي الشخصية. والموضوع لاقي ترحيب فجت فكرة إنشاء مدونة، طب هنسميها ايه. وجيت الاقتراحات مني ومنهم كتير، كلها اسماء اكليشيهية محبتهاش. لحد ما سمعت بالصدفة اغنية عايم في بحر

سمعت اكيد عن جريمة ق.تل الطالبة نيرة أشرف علي ايد زميلها محمد عادل. جريمة بشعة هزت مصر كلها، وطلع وراه ناس أخدته قدوة وقلدته. وكأننا خلاص مبقيناش نقلد غير كل قبيح. انا مش جاية هنا عشان احكي عنهم. انا جاية أركز علي نقطة مهمة اوي، إن رغم الجريمة البشعة دي حصلت في ميدان عام وسط مئات البشر، لا وكمان متصورة وشافها العالم كله مش مصر بس. إلا أن فيه عدد مش قليل متعاطف مع القا.تل، وادوله مببرات، وطعنوا في سمعة وشرف القت.يلة، لمجرد تبرئة القا.تل. وجمعوله فلوس ولا كانه وقف خيري عشان يقوموله أكبر محامي في البلد يدافع عنه. طبعا الناس الطبيعيين استغربوا واتنرفزوا واتجننوا وشجبوا وشتموا. ليهم حق، بس انا جاية اقولك اهدي يا معلم صحتك، دي طبيعة فينا. هتقولي طبيعة ازاي، وهتبتدي تشتمني انا كمان هقولك استني قبل ما تاخد اي ذنوب تعالي اسمع الحكاية دي. القاهرة في سنة ١٣٨٠م، أيام الحكم المملوكي لمصر. تسمع عن درس قرمز في الجمالية؟. هناك فيه قصر من قصور الحكم الفاطمي، ومنه باب اسمه باب العيد، كان بيخرج منه الخليفة وجنوده يوم العيد يعيد علي الشعب. مع الزمن القصر انهدم وفضل منه في الوقت اللي بنحكي فيه حكايتنا البا