عايمة في بحر الكتب

قَتل "الحجاج" "عبد الله بن الزبير" وبموته رجعت البلاد الاسلامية تحت راية واحدة وهي الحكم الأموي بقيادة "عبد الملك بن مروان" سنة ٦۹۳م. ومكتفاش "الحجاج" بانتصاره رغم تدنيسه للحرم المكي وهدمه لجزء من الكعبة المشرفة. لكنه مثل بجثة "عبد الله بن الزبير" الشيخ المسن صاحب ال ٧٢ عام، وعلقه مصلوب علي أسوار الكعبة، دون مراعاة لأي حرمة شرعية أو أخلاقية ولا لنسب نبوي. اللي هو تحس انك عاوز تقوله دين الوالد كان ايه بالظبط.  الغريب بقي والمضحك ان "الحجاج" في حياة "عبد الله بن الزبير" كان بيعايره بإنه ابن ذات النطاقين٬ اللي هو الوصف التشريفي للسيدة "أسماء بنت أبي بكر" اللي كانت في عز حملها في عبدالله نفسه كانت بتشيل الاكل والمية في نطاقها وتمشي بيهم مسافات طويلة جدا في الصحرا تديهم لرسول الله وأبيها أبي بكر الصديق في أثناء رحلة هجرتهم الي المدينة٬ اهو الكلام ده كله بالنسبة لل"حجاج" كان بيعاير بيه "عبدالله بن الزبير". بعد ما "الحجاج" صلب "عبد الله بن الزبير"٬ بعت "الحجاج"يطلب...

 هو انت ممكن تصدق ان فيه شخصية في التاريخ يفضل الجدل حواليها 1300 سنة. لحد الآن المؤرخين مش قادرين يحكموا عليه، الراجل ده كان ايه بالظبط. ياتري هو شخصية عسكرية مخلصة وقوية قدر يحقق النظام ويقضي علي فكرة التمرد والمتمردين ولا هو مجرد سفاح صاحب شخصية  سيكوباتيه ودموية.  ياتري خمنتوا هنتكلم هن مين النهاردة؟. هنتكلم عن رجل كان يشيب شعر الولدان لمجرد ذكر اسمه. هو "الحجاج بن يوسف الثقفي". مدينة الطائف - حاليا بالسعودية - في منازل ثقيف اتولد "  أ بو محمد الحجاج بن يوسف بن الحكم بن أبي عقيل بن مسعود بن عامر بن معتب بن مالك بن كعب بن عمرو بن سعد بن عوف بن ثقيف، السفياني الثقفي " سنة 41هجري، 660 ميلادى. وأمه كانت بنت الصحابي الشهيد "عروة بن مسعود الثقفي". وكان أبوه معلم للقرآن الكريم والفقه في جوامع الطائف، وربي ابنه علي حفظ القرآن وتدبره من صغره، حتي ان "الحجاج" لما كبر اشتغل مع أبوه معلم ومحفظ للقرآن الكريم. يعني "الحجاج" كان من بيت شديد التدين عارف امور دينه كويس ومن اصل صحابة كرام. "الحجاج" اتولد في عز ازمة الفتنة الكبري والعداوة ال...

انتهيت من قراءة رواية "ذئب وحيد" للكاتب "ابراهيم أحمد عيسي" الصادرة عن دار الكرمة في طبعتها الأولي بعدد صفحات 317 صفحة. ذلك هو لقائي السادس مع كتابات "ابراهيم احمد عيسي". فقط سبق وقرأت له "باري"، "البشرات"، "ابق حيا"، "الحاج ألمان"، "حكايا الأشبوني". وأخيرا "ذئب وحيد" والتي واضح انها ستكون سلسلة ذات ثلاث أجزاء. في تلك الرواية سلك الكاتب نهج جديد عن رواياته السابقة التي تميزت بطابعها التاريخي. الا انه احتفظ باسلوب كتابته بالفصحي العميقة، واللعب بالكلمات لرسم مشهد دقيق ومفصل كامل الاركان اللغوية والتعبيرية لجعل القارئ يعيش في أجواء المشهد كأنه يراه بل وأيضا يسمع صوت ابطاله. فالكاتب قادر من خلال تعبيراته واحساسه ان يفتح فجوه لعالم مرئي في كتابه. فوجئت في تلك الرواية بأني انتقلت لعالم فانتازي، ولكنها ليست كمثل الروايات الفانتازية الحاليه انما نوع خاص قريب الشبه الي عالم "محمد أمين راضي" في مسلسل "العهد". خلق الكاتب أرض مختلفة ببلاد قريبة الشبه للبلاد الشرقية واعطاها اسم "أرض ت...

 مين فينا ميعرفش شارع المعز في القاهرة. تقريبا مفيش حد في القاهرة معداش عليه٬ سواء زيارة للآثار الإسلامية العريقة اللي فيه٬ أو مجرد فسحة وقعدة في كافيهاته الحلوة.  بس انت عارف مين هو المعز اللي اتسمي الشارع بإسمه؟. تمام هو "المعز لدين الله الفاطمي". طيب احنا خدنا في منهج التاريخ إن "المعز" ده هو اللي أمر ببناء القاهرة علي يد قائد جيوشه "جوهر الصقلي". وبالمناسبة كان شارع المعز ده أكبر وأهم شارع في قاهرة المعز.  تعالي نقعد كده علي الكافية الحلو ده٬ واحكيلك شوية كده عن الفاطميين أصحاب اللبنة الأولي في القاهرة. غمض عينيك٬ يلا فتح بص حواليك ايوه احنا في الصحرا٬ متتخضش احنا رجعنا لسنة ۳٥٧ هجريا مكنتش القاهرة موجودة. تعالي بقي نركب مع القافلة دي اللي رايحة الفسطاط عاصمة الدولة الإخشيدية واللي بناها زمان "عمرو بن العاص" بعد فتح مصر٬ ايوه الله ينور عليك هي فعلا في أيامنا اسمها مصر القديمة. يلا ادينا وصلنا٬ هتعرف تنزل من ع الجمل ولا هتفضحنا😄. تعال نشوف المنادي ده بيقول ايه٬ ده بيقول ان "كافور الإخشيد" مات. انت عارف اننا دلوقتي في وقت من أوقات تا...

_ جواز الحب أحسن، ولا الصالونات. _ مش فارق يابنتي اهو كله جواز. _ ايوه بس جواز الحب بيبقي فيه تفاهم اكتر. _ محكمة الأسرة فيها ياما ناس اتجوزوا عن حب عادي. _ يعني هو اللي اتجوزوا صالونات مش في محكمة الأسرة. _ ما عشان كده قولتلك مش فارق وعلي رأي يسرا كده خازوق وكده خازوق😂. _ طيب ايه متتجوزش. _ لا طبعا نتجوز بس بالعقل. نشغل عقلنا ٩٠% ولما العقل يدي الاوكي اكيد القلب نسبته هتزيد مع الوقت لأن الشخص المناسب لينا عقليا واجتماعيا ودينيا اكيد هيتحب، غير كده هتبقي مشاعر كدابة. _ لا مبتبقاش كدابة ولا حاجة، اكيد اللي يتمسك بيا تحت أي ظروف ويتحدي الدنيا عشاني يبقي فعلا ده الحب الحقيقي. _ وتغنوا اتحدي العالم كله وانا وياااااااك. الله علي الفراشات الوردية اللي طارت دي جميلة. _ أيوة اتريقي. بس انا بتكلم من وجهه نظري انا لو لقيت الشخص اللي أحبه ممكن فعلا اتحدي العالم عشانه، وتبيع اي حد حتي لو أهلي المهم اني اعيش معاه. _ يبقي هتعملي زي عبدالشكور. _ مين؟! _ واحد صاحبي متعرفوش 😂😂 _ برده بتتريقي😡 _ لا ده انا هحكيلك حدوتة اتنين حبوا بعض واتحدوا العالم زي ما بتقولي كده، اسمعي كده وافهمي كويس الكلام. كان ...

انتهيت من قراءة رواية "الحصار الحديدي" ل "أحمد صبري" في طبعتها الأولي الصادرة عن دار العليا بعدد صفحات ٣٢٥ صفحة. ذلك هو لقائي الأول مع كتابات "أحمد صبري" للأسف. وأقول للأسف لأني أكتشف أني أضعت مني الكثير من المعرفة والمعلومات العلمية التي يقدمها بأسلوب سهل وبسيط لأني لم أقرأ له مسبقا. وعلي الرغم إني سعدت بصداقته علي المستوي الشخصي إلا إنه أخفيت عني معلومة تميزه في مجال كتابة الخيال العلمي. وها أنا إكتشفت بنفسي دون التوضيح منه. رواية "الحصار الحديدي" تعتبر من روايات الخيال العلمي وبالتحديد المتعلقة بقصص الفضاء. بمجرد قراءتي لبضعة صفحات من الرواية حتي خطفتني الي نفسي في سن التاسعة وانا أمسك بين يدي عدد من سلسلة ملف المستقبل ل "نبيل فاروق" رحمه الله. وخصوصا عندما قال السيد "سالم" ونقطة موت "عادل" أيقنت اني في عالم نبيل فاروق حقا. والحقيقة إني ابتعدت كثيرا عن روايات الفضاء من بعد دخولي مرحلة الثانوية إلا إن من الواضح أن "أحمد صبري" يسعدني إليها ثانية أن كانت بنفس الجودة تلك. قليلة هي كتابات الفضاء في وسط زخم ال...

_ علي باشا عامل ايه. _ تمام والله اخبارك ايه ياريس. _ في نعمة الحمد لله. انا حبيت أكد عليك فرح بنتي بكرة في فندق سميراميس اوعي تنسي ومتجيش. _ لا ازاي ضروري هاجي ده فرح بنتي يا اخويا. بس ليه هتعملوه في فندق سميراميس بالذات ده حتي بعيد عنكوا. _ معلش بقي ياسيدي تحكمات العريس، اكمنه عراقي فعجبه أنه يعمل فرحه في فندق سميراميس. _ وايه العلاقة أنه عراقي يعني. _ ليه هو انت متعرفش أن سميراميس ملكة آشورية. والحضارة الآشورية كانت في بلاد بين النهرين اللي هي العراق حاليا. _ ايه ده بجد أول مرة اعرف المعلومة دي، طب وحكايتها ايه سميراميس دي.  _ سميراميس دي كانت ملكة عظيمة، وليها انجازات اتحفرت في التاريخ الآشوري، ومن كتر تقديس الناس ليها خلقولها أسطورة تمجدها، فبقي ليها حكايتين واحده حقيقية والتاني خيال أسطورة. تحب تبتدئ بأي واحده. _ طيب نسمع الاسطورة اصلي بحب الأساطير اوي. _ ماشي ياسيدي. الأسطورة بتقول أن زمان في فجر التاريخ فاض نهر الفرات _ اللي في العراق _ وطلع السمك علي  وجت سمكتين كبار وحدفوا بيضة كبيرة علي الشط وشافتهم حمامة بيضة كبيرة صعبت عليها ياعيني البيضة راحت وخداها وطارت بيها بع...