عايمة في بحر الكتب

انتهيت من قراءة "الناسخ – الانترنت المظلم" للكاتب "أحمد مسعد" في طبعتها الأولي الصادرة عن دار ابداع بعدد صفحات252 صفحة. الرواية تنتمي الي أدب الرعب حيث معروف عن الكاتب أنه يكتب قصص الرعب لعدد من البرامج أشهرها كلام معلمين. وعلي الرغم من صغر سن الكاتب الا انه صاحب موهبة جيدة مبشرة بالخير في عالم أدب الرعب. الكتاب يضم روايتين مختلفين " الغراب الأسود" و "الحصاد" لنفس البطل في فترتين زمنيتين مختلفتين يفصل بينهماعامين، وغير مرتبتين زمنيا، اي ان الأحدث زمنيا سبقت الأقدم، وذلك تسبب في توقع نهايات بعض الاشخاص في القصة الاقدم زمنيا فوجودهم في القصة الاحدث يعني انقاذهم في الرواية الاقدم، وبالتالي ضاع عنصر الساسبينس في بعض مشاهد القصة الأقدم. الروايتين باللغة العربية الفصحي سردا وحوارا باسلوب سهل ومحنك وبالتالي ارتقي كثيرا بالمحتوي. مشاهد الساسبينس صادقة حسيا جدا تأخذ القارئ وتضعه في قلب الاحداث الانفعالية. مشاهد الرعب جرعتها هادئة نوعا ما بمعني ليست صارخة فتشمئز مثلا ولكنها جرعة كافية للأحداث السريعة. اختيار البطل الألبينو – عدو الشمس – صاحب اعاقة

  من حوالي 8 سنين كان فيه مسلسل اسمه "نابليون والمحروسة" تقريبا كنت من القليلين اللي تابعوه وحسوا انه مسلسل رائع ومخدش حقه، وفي المسلسل ده عرفت شخصية عمري ماسمعت عنها في كتب التاريخ العقيمة اللي درسناها، وهي "نفيسة البيضا" أو "أم المماليك" وهي دي بطلة قصتنا النهاردة. تطلع مين بقي "نفيسة البيضا" دي؟ شايك ونسكافيهك وتعالي اقعد كده هحكيلك حكاية الست اللي قادرة علي التحدي بجد مش اي كلام وتعالي نرجع للقرن ال 18 الميلادي. "نفيسة" كانت جارية شركسية مش معروف البلد اللي جت منها منين بالظبط المهم أنها جت واتباعت في مصر، بنت صغيرة بيضا اوى وجميلة جدا شافها "علي بك الكبير"- المملوك المشهور اللي كان عاوز يستفرد بحكم مصر ويدي العثمانيين صابونة بس اماله غرقت في بحر الخيانة-   انبهر بجمالها و"نفيسة" مكنتش بس جميلة كانت ذكية جدا، ومكتفاش "علي بك" بانه اشتراها بل من شده حبه ليها تزوجها وبنالها بيت في الازبكية – مكان سور وحديقة الازبكية حاليا – واهتمت نفيسة في الوقت ده بتعليم نفسها العربية الي جانب اتقانها التركية والفرنسية

 . لما زرت المتحف الاسلامي في باب الخلق لفت نظري طبق خزفي كبير وجميل منقوش عليه نقوشات اسلامية ومكتوب عليه اسم الحاكم بأمر الله الفاطمي وعرفت ان اسم الطبق ده هو "صحن غبن" – غبن مش جبن لأنه لو كان جبن كنت مشيت ومركزتش أهو طبق جبنة وخلاص – طبعا لفت نظري اسمه الغريب وحبيت اعرف معناه وياريتني ماعرفت، طبعا معروف عن الحاكم بأمر الله أنه شخصية غريبة ولحد الآن عليها كلام كتير فيه اللي بيقول عليه مجنون واللي يقول عالم واللي يقول مفتري عليه وكل ده بسبب أحكامه الغريبة زي مثلا تحريمه لأكل الملوخيا والسمك الذى لا قشر له والمنع من الملاهى ومنع النساء من حضور الجنائز والمنع من بيع العسل وقلب نظام اليوم يعني العمل والبيع في الليل والنوم نهارا، نرجع بقي لحكاية "صحن غبن" الطبق ده اتسمي علي اسم غبن قائد قواد الخليفة الحاكم بأمر الله الفاطمي، غبن ده كان خادم أسود من خدامه ويظهر كده كان من النوع اللي بيمسح جوخ ومطبلاتي محترف عرف يوصل لثغرات الخليفة وجاراه في جنونه لحد ما الخليفة حبه وقربه منه ففى سنة 402هـ/1011م واداه  لقب "قائد القواد" وأهداه سيفا وعشرة أفراس بسروجها ولجامها