عايمة في بحر الكتب

طول عمر المصريين دمهم خفيف يموتوا في القفشات والنكت، اكتر شعب يعرف يطلع من أشر محنة بنكتة يضحكوا عليها. حتي قالوا شر البلية ما يضحك. شعب حمول وصبره صبر جبال، وسر صبره في الضحك، يضحك أحسن ما يموت من الغيظ. مر عليه عجايب أشكال وألوان، وفيها ما لايخطر علي بال، من المقاسي والظلم والطغيان. وكان سلاحهم التريقة والضحك. مش مصدقني طب سمعت انت عن السلطان "قلة"؟!. ايوه زي مانت قريتها كده، الشعب كان مسمي سلطانه "قلة".  السلطان "قلة" أو السلطان الظاهر "سيف الدين يلباي المؤيدي"، هو أحد سلاطين المماليك علي مصر. تمت مبايعته للحكم بعد موت السلطان "خشقدم" سنة 1467م، ويوم ما دخل قصر الحكم وقع باب القصر الكبير، فمعرفش يدخل هو وحاشيته الا من خلال الإيوان. طبعا الناس عرفوا اللي فيها من أولها، قدم الخير والسعد. وأول حاجة عملها السلطان "يلباي" إنه عين الأمير "خير بك" منصب الدوادار الكبير. يعني المسئول العام عن أمور السلطان. بس من الواضح إن السلطان "يلباي" كان ضعيف الشخصية أو هلهلي مش فاهم حاجة. ودي كانت فرصة الامير "خير بك&qu

  مصر في تاريخها مشافتش فقيه زي الشيخ "العز بن عبد السلام". قال عنه  قال ابن العماد الحنبلي:  «عز الدين شيخ الإسلام... الإمام العلامة، وحيد عصره، سلطان العلماء... برع في الفقه والأصول واللغة العربية، وفاق الأقران والأضراب، وجمع بين فنون العلم من التفسير والحديث والفقه واختلاف الناس ومآخذهم، وبلغ رتبة الاجتهاد، ورحل إليه الطلبة من سائر البلاد، وصنف التصانيف المفيدة». مين بقي الشيخ "العز بن عبد السلام"؟. ميس ميس مش ده الشيخ اللي كان في فيلم واإسلاماه مع قطز؟. بعيدا عن انكوا ورايا في كل حتة حتي وأنا بكتب الحكاية، بس أه ياحبيبي شطور هو اللي كان مع قطز. وياريت نهدي بقا، ها نهدي. "العز بن عبد السلام" اتولد في دمشق ما بين سنة 1181م و 1182م. ودرس فيها اللغة العربية وعلوم الشريعة. ومسك خطابة الجامع الأموي بدمشق. و اشتهر بعلمه وتفقهه في الدين الشديد حتى قصده الطلبة من جميع البلاد، واللي شهره أكتر إنه كان لا يخاف في قول الحق لومة لائم.فتعرف بمناصحة الحكام ومعارضتهم إذا ارتكبوا ما يخالف الشريعة الإسلامية ، وده اتسببله بمشاكل كتير مع الحكام في دمشق. لحد ما قرر يسيب كل